ഉപരാഷ്ട്രപതിയുടെ സന്ദർശനത്തോട് അനുബന്ധിച്ചു നഗരത്തിൽ ഇന്നും നാളെയും വൈകിട്ടു നാലു മണി മുതൽ ഗതാഗത നിയന്ത്രണം. രാമനാട്ടുകര എയർപോർട്ട് റോഡ് ജം​ഗ്ഷൻ - തൊണ്ടയാട് - അരയിടത്തുപാലം - മാവൂർ റോഡ് - മാനാഞ്ചിറ - പാളയം - പുഷ്പ ജംക്‌ഷൻ - ചാലപ്പുറം റോഡുകളിൽ ഗതാഗത നിയന്ത്രണം ഉണ്ടാകും.

എയർപോർട്ട് - റെയിൽവേ സ്റ്റേഷൻ എന്നിവിടങ്ങളിലേക്കുള്ള യാത്രക്കാർ നേരത്തേ പുറപ്പെടണം. സിറ്റിയിലെ റോഡുകളിൽ വാഹന പാർക്കിങ് അനുവദിക്കില്ല. ഉപരാഷ്ട്രപതിയുടെ യാത്രാ സമയത്ത് ഈ റൂട്ടിൽ ഗതാഗതം പൂർണമായും തടയുന്നതാണ്.

കോഴിക്കോട് വിമാനത്താവളത്തിലേക്ക് പോകേണ്ട വാഹനങ്ങൾ മലാപ്പറമ്പ് - മെഡിക്കൽ കോളജ് - കുറ്റിക്കാട്ടൂർ - പെരുവയൽ - ഊർക്കടവ് പാലം - എടവണ്ണപ്പാറ - കൊണ്ടോട്ടി വഴിയോ, വെങ്ങാലി - ബീച്ച് റോഡ് - മീഞ്ചന്ത - രാമനാട്ടുകര - കാക്കഞ്ചേരി വഴിയോ പോകണം.

റെയിൽവേ സ്റ്റേഷൻ - ബീച്ച് ഭാഗത്തേക്ക് പോകേണ്ട വാഹനങ്ങൾ വെസ്റ്റ്ഹിൽ - ചുങ്കം - ഭട്ട് റോഡ് ബീച്ച് വഴിയോ, ക്രിസ്ത്യൻ കോളജ് വെസ്റ്റ് - ഗാന്ധി റോഡ് ജംക്‌ഷൻ വഴിയോ, പന്നിയങ്കര - പുഷ്പ ജംക്‌ഷൻ - ഫ്രാൻസിസ് റോഡ് വഴിയോ പോകണം.

കുന്നമംഗലം ഭാഗത്ത് നിന്നു വരുന്ന വാഹനങ്ങൾ കാരന്തൂർ - മൂഴിക്കൽ - മലാപ്പറമ്പ് - എരഞ്ഞിപ്പാലം വഴി സിറ്റിയിലേക്ക് പ്രവേശിക്കണം.
കുറ്റിക്കാട്ടൂർ - മെഡിക്കൽ കോളജ് ഭാഗത്തുനിന്നു വരുന്ന വാഹനങ്ങൾ കോവൂർ - ഇരിങ്ങാടൻ പള്ളി ജംക്‌ഷൻ - പൂളക്കടവ് ജംക്‌ഷൻ - മലാപ്പറമ്പ് - എരഞ്ഞിപ്പാലം വഴി സിറ്റിയിലേക്ക് പോകണം.

മലപ്പുറം - യൂണിവേഴ്സിറ്റി ഭാഗത്തുനിന്നു വരുന്ന വാഹനങ്ങൾ രാമനാട്ടുകര - ഫറോക്ക്- ചെറുവണ്ണൂർ - മീഞ്ചന്ത - വഴി സിറ്റിയിലേക്ക് പ്രവേശിക്കണം. പെരുമണ്ണ - പന്തീരാങ്കാവ് ഭാഗത്തുനിന്നു വരുന്ന വാഹനങ്ങൾ മാങ്കാവ് ജംക്‌ഷൻ - ലുലു ജംക്‌ഷൻ - പുതിയറ - വഴി സിറ്റിയിലേക്ക് എത്തണം.

സിറ്റിയിൽ നിന്നു മെഡിക്കൽ കോളജ് ഭാഗത്തേക്ക് പോകേണ്ട ചെറിയ വാഹനങ്ങൾ സ്റ്റേഡിയം ജംക്‌ഷൻ - പുതിയറ - കുതിരവട്ടം റോഡ് - പൊറ്റമ്മൽ - പാലാഴി റോഡ് - കെ.ടി.താഴം - മഠത്തിൽ മുക്ക് - ചേവായൂർ വഴി പോകണമെന്നും ട്രാഫിക് പൊലീസ്.