വളർത്ത് നായയുടെ കടിയേറ്റ് നാലുവയസ്സുകാരി മരിച്ചു. ബ്രിട്ടനിൽ മിൽട്ടൺ കീൻസിലെ നെതർഫീൽസിലെ ബ്രോഡ്‌ലാൻഡിലാണ് അതിദാരുണമായ ഈ സംഭവം നടന്നത്. നാടിനെ ഒന്നാകെ നടുക്കിയ ദുരന്തത്തിൽ പ്രധാനമന്ത്രി ഋഷി സുനാക് ഉൾപ്പെടെയുള്ളവർ അനുശോചനം രേഖപ്പെടുത്തി.

ഇന്നലെ വൈകിട്ട് അഞ്ചുമണിയോടൊണ് തേംസ് വാലി പൊലീസിനോട് സഹായം തേടി വീട്ടിൽനിന്നും വിളിയെത്തിയത്.വീടിന്റെ പിന്നിലെ പൂന്തോട്ടത്തിൽ വച്ചാണ് സംഭവമെന്നാണ് പൊലീസ് നൽകുന്ന വിവരം. കുതിച്ചെത്തിയ പൊലീസ് അക്രമകാരിയായ നായയെ വെടിവച്ചു കൊന്നശേഷം കുട്ടിയെ രക്ഷിക്കാൻ ശ്രമിച്ചെങ്കിലും ഇതിനോടകം ബാലിക മരിച്ചിരുന്നു എന്നാണ് റിപ്പോർട്ട്.

ഏത് ഇനത്തിൽപെട്ട നായയാണ് ഇതെന്ന് പൊലീസ് വെളിപ്പെടുത്തിയിട്ടില്ല. സംഭവത്തോടനുബന്ധിച്ച് ആരുടെയും അറസ്റ്റ് ഉണ്ടായിട്ടില്ല. സമീപവാസികളെല്ലാം ഒത്തുകൂടി സമീപത്തെ പള്ളിയിൽ പ്രത്യേക പ്രാർഥന നടത്തി.