ഈ ഗൗണ് ധരിച്ചാൽ വിശപ്പ് വരില്ല; ലോകത്തെ ഞെട്ടിച്ച ഗൗണ്
വസ്ത്രങ്ങള്ക്കിടയില് ഗൗണിന്റെ പ്രാധാന്യം വേറെയാണ്. അതിമനോഹരമായ ഗൗണുകള്ക്ക് ലോകത്തിന്റെ ഏത് കോണിലും ആരാധകരേറെയാണ്. എങ്കില് ഗൗണും കേക്കും ഒരുമിച്ച് വന്നാല് എങ്ങനെയുണ്ടാകും.
സ്വിറ്റ്സര്ലന്ഡില് ' സ്വീറ്റി കേക്ക്സ് " എന്ന ബേക്കറി നടത്തുന്ന നടാഷ കോളിന് കിം ഫേലീ ഫോകാസിന്റെ മനസില് ഉദിച്ച ആശയമാണിത്. ആശയത്തെ ലോകറെക്കാഡാക്കി മാറ്റാനും നടാഷയ്ക്ക് കഴിഞ്ഞു. വെള്ള നിറത്തിലെ ഭംഗിയേറിയ വെഡ്ഡിംഗ് ഗൗണിന്റെ രൂപത്തിലെ ഒരു കേക്കായിരുന്നു അത്. കഴിക്കുക മാത്രമല്ല, ധരിക്കുകയും ചെയ്യാം എന്നതാണ് ഈ കേക്കിന്റെ പ്രത്യേകത. ലോകത്ത് കേക്ക് കൊണ്ട് നിര്മ്മിക്കപ്പെട്ട ഏറ്റവും വലിയ വസ്ത്രമാണിത്.
ബേണ്സ് നഗരത്തില് അടുത്തിടെ നടന്ന സ്വിസ് വേള്ഡ് വെഡ്ഡിംഗ് ഫെയര് ഷോയില് കേക്ക് ഗൗണ് പ്രദര്ശിപ്പിച്ചിരുന്നു. കേക്ക് ഗൗണ് ധരിച്ച് മോഡല് റാംപ് വാക്കും നടത്തി. ഷോയ്ക്ക് ശേഷം അതിഥികള്ക്ക് തന്നെ കേക്കിന്റെ ഭാഗങ്ങള് നല്കി. 131.15 കിലോഗ്രാമാണ് ഈ കേക്ക് ഗൗണിന്റെ ഭാരം.
https://www.facebook.com/Malayalivartha