പലസ്തീൻ- ഇസ്രായേൽ യുദ്ധം കൊടുമ്പിരി കൊണ്ടിരിക്കുകയാണ്. ഇതിനിടയിൽ രാജ്യ തലസ്ഥാനത്ത് സുരക്ഷ കൂട്ടിയതിനെ കുറിച്ചുള്ള വിവരം നാം കഴിഞ്ഞ ദിവസം അറിഞ്ഞിരുന്നു. ഇപ്പോൾ വീണ്ടും ഡൽഹിയിൽ സുരക്ഷ ശക്തമാക്കിയിരിക്കുകയാണ്. ഹമാസ് അനൂകൂല പ്രതിഷേധങ്ങൾക്കുള്ള സാധ്യത തള്ളിക്കളയാനാകില്ല.

അതുകൊണ്ടാണ് ദില്ലിയിൽ ജാഗ്രത നിർദ്ദേശം കടുപ്പിച്ചിരിക്കുന്നത് . നഗരത്തിലെ പ്രധാനപ്പെട്ട സ്ഥലങ്ങളിൽ പ്രതിഷേധങ്ങൾക്കുള്ള സാധ്യത ഉണ്ട്. ഇതെല്ലം മുന്നിൽ കണ്ടുകൊണ്ടാണ് സുരക്ഷ വർധിപ്പിച്ചിരിക്കുന്നത് . മാത്രമല്ല ഇസ്രയേൽ എംബസി, ദില്ലിയിലെ ജൂത ആരാധനാലയങ്ങൾ, സ്ഥാപനങ്ങൾ തുടങ്ങിയവയ്‌ക്കും സുരക്ഷ വർധിപ്പിച്ചിരിക്കുകയാണ്.

മറ്റു മോശമായ സംഭവ വികാസങ്ങളൊന്നും ഉണ്ടാകാതെയിരിക്കാൻ നടപടികൾ സ്വീകരിച്ചെന്ന് ദില്ലി പൊലീസ് വ്യക്തമാക്കി. സം ഫ്രാൻസിൽ പാലസ്തീൻ അനുകൂല പ്രകടനങ്ങൾക്ക് നിരോധനം ഏർപ്പെടുത്തിയിരുന്നു . പാലസ്തീൻ അനുകൂലികളുടെ ആക്രമണം കണക്കിലെടുത്ത് യുഎസ്, യുകെ, ഫ്രാൻസ്, ജർമ്മനി തുടങ്ങീ നിരവധി രാജ്യങ്ങൾ സുരക്ഷാ മുൻകരുതലുകൾ സ്വീകരിച്ചു .

ജൂതരെ ലക്ഷ്യമിട്ട് ആക്രമണങ്ങൾ ഉണ്ടായതും, പാലസ്തീൻ അനുകൂല പ്രകടനങ്ങളിൽ വലിയ തോതിൽ സുരക്ഷാ പ്രശ്‌നങ്ങൾ ഉണ്ടായതും ചൂണ്ടിക്കാട്ടിയാണ് പല രാജ്യങ്ങളും ജാഗ്രതാ നിർദ്ദേശങ്ങൾ പൊതുജനങ്ങൾക്ക് നൽകിയത്.