ഉപരോധിക്കപ്പെട്ട ഗാസ മുനമ്പിൽ നിന്ന് റഷ്യയിലെ പൗരന്മാരെയും അവരുടെ കുടുംബാംഗങ്ങളെയും റഷ്യയിലെ അടിയന്തര മന്ത്രാലയത്തിന്റെ പ്രത്യേക വിമാനം എയർലിഫ്റ്റ് ചെയ്തു. കുടിയൊഴിപ്പിക്കപ്പെട്ട ആളുകൾ കെയ്‌റോയിൽ നിന്ന് മോസ്കോയിലേക്ക് പുറപ്പെട്ടു. റഷ്യയിലെ പൗരന്മാരെ ഒഴിപ്പിക്കാനുള്ള ദൗത്യത്തിനോടനുബന്ധിച്ചുള്ള പതിനൊന്നാമത്തെ പ്രത്യേക വിമാനമാണിത്.

റഷ്യൻ പൗരന്മാരും അവരുടെ കുടുംബാംഗങ്ങളുമായി റഷ്യയിലെ അടിയന്തര മന്ത്രാലയത്തിന്റെ മറ്റൊരു പ്രത്യേക വിമാനം മോസ്കോയിലേക്ക് പുറപ്പെട്ടു എന്ന് അധികൃതർ അറിയിച്ചു. . ഈജിപ്തിലെ റഷ്യ എമർജൻസി മന്ത്രാലയത്തിന്റെ ടാസ്‌ക് ഫോഴ്‌സ് റഫ ചെക്ക്‌പോസ്റ്റിലൂടെ കടന്നുപോയ ആളുകളെ സ്വീകരിക്കുന്നതിനുള്ള പ്രവർത്തനങ്ങൾ തുടരുകയാണ് .

പലസ്തീൻ-ഇസ്രായേൽ സംഘർഷത്തിന്റെ മേഖലയിൽ നിന്ന് റഷ്യയിലെ പൗരന്മാരെയും അവരുടെ കുടുംബാംഗങ്ങളെയും ഒഴിപ്പിക്കാനുള്ള മാനുഷിക ദൗത്യത്തിനായി പതിനൊന്നാമത്തെ പ്രത്യേക വിമാനം അവിടെ നിന്നും പുറപ്പെട്ടു എന്നാണ് അറിയിച്ചിരിക്കുന്നത്. അതിർത്തി കടന്ന റഷ്യയിലെ പൗരന്മാരെയും അവരുടെ കുടുംബാംഗങ്ങളെയും കെയ്‌റോയിലേക്ക് മറ്റൊരു വാഹനത്തിൽ അയക്കുമെന്നാണ് റിപ്പോർട്ട് . അവർക്ക് ആവശ്യമായ എല്ലാ മെഡിക്കൽ, മാനസിക പരിചരണവും ആഹാരവും വെള്ളവും നൽകാൻ റഷ്യയിലെ രക്ഷാപ്രവർത്തകരും സൈക്കോളജിസ്റ്റുകളും ഡോക്ടർമാരും ഉണ്ടാകും എന്നും അധികൃതർ അറിയിച്ചു.