അപ്രതീക്ഷിതമായി.... വൈദ്യുതാഘാതമേറ്റ് ബ്രസീലിയന് ഗായകന് അയേഴ്സ് സാസാക്കിക്ക് ദാരുണാന്ത്യം....
അപ്രതീക്ഷിതമായി.... വൈദ്യുതാഘാതമേറ്റ് ബ്രസീലിയന് ഗായകന് അയേഴ്സ് സാസാക്കിക്ക്(35) ദാരുണാന്ത്യം.... ബ്രസീലിലെ സാലിനോപോളീസ് പാരയിലുള്ള ഹോട്ടലില് പാടാനെത്തിയപ്പോഴായിരുന്നു സംഭവം നടന്നത്.
വേദിയിലേക്ക് നനഞ്ഞെത്തിയ ആരാധകനെ ആലിംഗനം ചെയ്തപ്പോഴാണ് ഗായകന് ഷോക്കേറ്റത്. വേദിയിലെ കേബിളില് ചവിട്ടി നിന്നതും നനവും രണ്ടു പേര്ക്കും ഷോക്കേല്ക്കുന്നതിനു കാരണമായി. അയേഴ്സിനെ ഉടന് തന്നെ ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാന് കഴിഞ്ഞില്ല.
ഷോക്കേറ്റ ആരാധകന്റെ ആരോഗ്യസ്ഥിതിയെക്കുറിച്ചു വ്യക്തതയില്ല. അസാധാരണ സംഭവത്തില് പൊലീസ് അന്വേഷണം തുടങ്ങി. ആരാധകന് വേദിയിലേക്കു നനവോടെ കയറി വന്നത് ആസൂത്രിതമാണോയെന്നു സംശയിക്കുന്നു. സാക്ഷികളെ പൊലീസ് ചോദ്യം ചെയ്തുവരുന്നു. ഒരു വര്ഷം മുന്പായിരുന്നു അയേഴിസിന്റെ വിവാഹം. ദീര്ഘ കാലത്തെ പ്രണയത്തിനൊടുവിലാണ് പ്രിയതമ മരിയാനയുമായി ഗായകന് വിവാഹിതനായത്.
"
https://www.facebook.com/Malayalivartha
