ഇസ്രായേൽ-ഇറാൻ കൊടുമ്പിരിക്കൊണ്ട യുദ്ധം ശക്തമാകുന്നതിനിടയിൽ ഇസ്രായേൽ ജനതയ്‌ക്കു മറ്റൊരു സന്തോഷ ദിനം കൂടെ എത്തിയിരിക്കുകയാണ്. . റോഷ് ഹഷാന അതായത് യഹൂദരുടെ പുതുവത്സരം പിറന്നിരിക്കുകയാണ്.  റോഷ് ഹഷാനയുടെ ഭാഗമായി രണ്ട് ദിവസത്തെ ആഘോഷപരിപാടികളാണ് സാധാരണയായി ഇസ്രായേലിൽ നടക്കാറുള്ളത്. എന്നാൽ ഇറാൻ, ഹിസ്ബുള്ള എന്നിവരുമായുള്ള സംഘർഷത്തിന്റെ പശ്ചാത്തലത്തിൽ ആഘോഷപരിപാടികൾ ഇല്ല എന്നാണ് സൂചനകൾ

എന്തായാലും ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു യഹൂദർക്ക്  പുതുവത്സരാശംസകൾ നേർന്നു."ഇത് സമ്പൂർണ വിജയത്തിൻ്റെ വർഷമായിരിക്കും" എന്നാണ് അദ്ദേഹം പുതുവർഷ സന്ദേശമായി പറഞ്ഞിരിക്കുന്നത്. എക്‌സിൽ കുറിപ്പിനൊപ്പം  ഒരു വീഡിയോയും അദ്ദേഹം പങ്കുവച്ചു. ,  തിന്മയുടെ അച്ചുതണ്ടായ "ഇറാനെതിരെ " ഇസ്രായേൽ യുദ്ധത്തിൻ്റെ മധ്യത്തിലാണെന്ന് അദ്ദേഹം പറഞ്ഞു."ഇറാൻ ഇസ്രായേലിനെ നശിപ്പിക്കാൻ ആഗ്രഹിക്കുന്നുവെന്നും "അത് നടക്കില്ലെന്നും അദ്ദേഹം  തറപ്പിച്ച് പറഞ്ഞു.

 ലെബനനിൽ കൊലപ്പെട്ട  നമ്മുടെ വീരന്മാരുടെ കുടുംബങ്ങൾക്ക്  ഹൃദയത്തിൻ്റെ അടിത്തട്ടിൽ നിന്ന് അനുശോചനം അറിയിക്കുന്നു.ദൈവം അവരുടെ രക്തത്തെ അനുഗ്രഹിക്കട്ടെ. അവരുടെ സ്മരണകൾ അനുഗ്രഹിക്കപ്പെടട്ടെ. നമ്മെ നശിപ്പിക്കാൻ ശ്രമിക്കുന്ന ഇറാൻ്റെ തിന്മയുടെ അച്ചുതണ്ടിനെതിരായ കടുത്ത യുദ്ധത്തിൻ്റെ മധ്യത്തിലാണ് നമ്മൾ എന്നാൽ ഇത് സംഭവിക്കില്ല - കാരണം നാം  ഒരുമിച്ച് നിൽക്കും, ദൈവത്തിൻ്റെ സഹായത്താൽ - നമ്മൾ  ഒരുമിച്ച് വിജയിക്കും എന്നും നെതന്യാഹു പറഞ്ഞു

തട്ടിക്കൊണ്ടുപോയവരെ  തിരികെ കൊണ്ട് വരും ,  ഞങ്ങളുടെ താമസക്കാരെ   തിരികെ നൽകും, ഇസ്രായേലിൻ്റെ നിത്യത  ഉറപ്പാക്കും എന്നും നെതന്യാഹു പറഞ്ഞു  .   ടെൽ അവീവിലെ കിര്യയിൽ സുരക്ഷാ സ്ഥാപന മേധാവികളുമായി ബെഞ്ചമിൻ നെതന്യാഹു കൂടിക്കാഴ്ച നടത്തിയിരുന്നു. ഇസ്രയേലിനെതിരെ  200 ഓളം ബാലിസ്റ്റിക് മിസൈലുകൾ ഇറാൻ വിക്ഷേപിച്ചതിനെ തുടർന്ന് പശ്ചിമേഷ്യയിലെ സ്ഥിതിഗതികൾ രൂക്ഷമായ സമയത്താണ് അദ്ദേഹം സുരക്ഷാ മേധാവികളുമായുള്ള കൂടിക്കാഴ്ച നടത്തിയത് .