മോശം കാലാവസ്ഥ കാരണം ലാൻഡ് ചെയ്യാനാകാതെ 32 മണിക്കൂറിന് ശേഷം സൂറിച്ചിൽ തന്നെ തിരിച്ചിറക്കി. സ്വിറ്റ്‌സർലൻഡിൽ നിന്ന് ഗ്രീസിലേക്ക് പറന്ന വിമാനമാണ് തിരിച്ചിറക്കിയത്. മെയ് 24 ന്, സൂറിച്ചിൽ നിന്ന് ഗ്രീസിലെ ക്രീറ്റിലെ ഹെരാക്ലിയോണിലേക്ക് പറന്ന കോണ്ടോർ DE1234 വിമാനമായിരുന്നു ഇത് . 

ഇതിനിടെ വിവിധ വിമാനത്താവളങ്ങളിൽ അഞ്ച് തവണ ലാൻഡ് ചെയ്തു.  മണിക്കൂറുകളോളം ആകാശത്ത് വട്ടമിട്ട് പറന്നു .    30 മിനിറ്റ് വൈകിയായിരുന്നു ടേക്ക് ഓഫ്. രണ്ട് മണിക്കൂറിന് ശേഷം ലാൻഡിങ്ങിന് തയ്യാറെടുത്തു.

 ശക്തമായ കാറ്റ് വിമാനത്തിന്റെ ലാൻഡിംഗിന് തടസ്സമുണ്ടാക്കി . പൈലറ്റ് ഏഥൻസിലേക്ക് തിരിച്ച് ഇന്ധനം നിറയ്ക്കാൻ തീരുമാനിക്കുകയായിരുന്നു  . സൂറിച്ചിൽ നിന്ന് പുറപ്പെട്ട് മൂന്ന് മണിക്കൂറിന് ശേഷം വിമാനം ഗ്രീക്ക് തലസ്ഥാനത്ത് ലാൻഡ് ചെയ്തു.

 ശേഷം, പൈലറ്റ് ഹെരാക്ലിയോണിൽ വിമാനം ലാൻഡ് ചെയ്യാൻ   ശ്രമിച്ചു.  മോശം കാലാവസ്ഥ കാരണം ലാൻഡിങ് നടന്നില്ല . വീണ്ടും ഇന്ധനം നിറയ്ക്കാൻ   ഗ്രീക്ക് ദ്വീപായ കോസിൽ ഇറക്കാൻ ശ്രമിച്ചു . ശ്രമം പരാജയപ്പെട്ടു.

വിമാനത്തിൽ വീണ്ടും ഇന്ധനം തീരാറായതോടെ ഗ്രീസിലെ രണ്ടാമത്തെ വലിയ നഗരമായ തെസ്സലോനിക്കിയിലേക്ക് വിമാനം തിരിച്ചു . അപ്പോഴേക്കും വിമാനം പുറപ്പെട്ടിട്ട് 11 മണിക്കൂർ കഴിഞ്ഞു . ഒടുവിൽ തെസ്സലോമിക്കിൽ യാത്രക്കാരും ഫ്ലൈറ്റ് ജീവനക്കാരും രാത്രി താമസിക്കുകയായിരുന്നു .

അടുത്ത ദിവസം, ഹെരാക്ലിയോണിൽ ലാന്‍ഡ് ചെയ്യാന്‍ അവസാനമായി ഒരു ശ്രമം നടത്താൻ ക്രൂ തീരുമാനിച്ചു. പക്ഷേ കാറ്റ്  വീശി .   ഏഥൻസിലേക്ക് വഴി തിരിച്ചുവിട്ടു. പിന്നീട് സൂറിച്ചിലേക്ക് തന്നെ തിരികെ പറക്കാൻ തീരുമാനിച്ചു . 32 മണിക്കൂറിനുശേഷം വിമാനം പുറപ്പെട്ട സ്ഥലത്തേക്ക് മടങ്ങിെത്തി. വിമാനം ആകെ അഞ്ച് തവണ ലാൻഡ് ചെയ്തു.