എന്നും മനസ്സില് മായാത്ത ഓര്മ്മച്ചിത്രം: ഐലാന് കുര്ദ്ദി
പോയവര്ഷം മനുഷ്യമനസാക്ഷിയെ ഒന്നടങ്കം ആഴത്തില് മുറിവേല്പ്പിച്ച ചിത്രമായിരുന്നു അലൈന് കുര്ദ്ദി
യെന്ന പിഞ്ചു ബാലന്റെ ചേതനയറ്റ ശരീരം. ഐലാന്റെ ഓര്മകള്ക്ക് ഒരു വര്ഷം പൂര്ത്തിയാകുമ്പോഴും ആ ചിത്രം ഇപ്പോഴും ഒരു നൊമ്പരമായി തുടരുന്നു.
2015 സെപ്തംബര് രണ്ടിനാണ് ടര്ക്കിഷ് ബീച്ചില് ഐലാന്റെ മൃതദേഹം തീരത്തടിഞ്ഞത്. കമഴ്ന്ന് കിടക്കുന്ന ഐലാന്റെ മൃതദേഹത്തിന്റെ ചിത്രം നിലൂഫര് ഡെമിരാണ് സമൂഹമാധ്യമങ്ങളില് പോസ്റ്റ് ചെയ്തത്. അതോടെ ആ ചിത്രം ലോക ജനശ്രദ്ധ പിടിച്ചുപറ്റി.
ഗ്രീസിലേക്കുള്ള പലായനത്തിനിടെയാണ് ഐലാനും കുടുംബവും സഞ്ചരിച്ച ബോട്ട് മുങ്ങിയത്. അതിനിടെയാണ് ഐലന് അപകടത്തില്പ്പെട്ടത്. അഭയാര്ത്ഥി പ്രശ്നത്തിന്റെ തീവ്രതയുടെ വേദനിപ്പിക്കുന്ന മുഖമാണ് ഐലന്.
സിറിയയിലെ ആഭ്യന്തര സംഘര്ഷവും കൂട്ടക്കുരുതിക്കും ഇന്നും തുടരുകയാണ്. അഭയാര്ഥികള് സുരക്ഷിത തീരം തേടി പലായനം ചെയ്യുന്നു. ചിലര് തീരമടുക്കുന്നു. മറ്റ് ചിലര് മറുകരയെത്താതെ കടലില് ഒടുങ്ങുന്നു. ഐലാന് ഇന്നും ഒരു ഓര്മ്മപ്പെടുത്തലായി ലോകത്തിന് മുന്നില് മായാതെ നില്ക്കുന്ന അഭയാര്ത്ഥി പ്രശ്നത്തിന്റെ തീവ്രത ലോകത്തോട് വിളിച്ചുപറഞ്ഞ ഐലാന് അതിന്റെ പ്രതീകമായി.
https://www.facebook.com/Malayalivartha
