വാണക്രൈ ആക്രമണത്തിന് പിന്നില് ഉത്തരകൊറിയ!!
റാന്സംവെയര് ആക്രമണത്തിന് പിന്നില് ഉത്തരകൊറിയയാണെന്ന സൂചനയുമായി കമ്പ്യൂട്ടര് ഗവേഷകര്. വാണക്രൈ എന്ന മാല്വെയര് ആക്രമണത്തിന് പിന്നില് ഉത്തരകൊറിയ ആണെന്ന് തെളിയിക്കുന്ന സാങ്കേതിക രേഖകള് ലഭിച്ചതായി സൈബര് സുരക്ഷാ വിദഗ്ദരാണ് ചൂണ്ടിക്കാണിക്കുന്നത്.
ലോകത്ത് 150ഓളം രാജ്യങ്ങളിലായി മൂന്ന് ലക്ഷത്തോളം വരുന്ന കമ്പ്യൂട്ടറുകളെയാണ് വെള്ളിയാഴ്ച മുതല് വാണക്രൈ ആക്രമിച്ചത്. ലസാറസ് ഗ്രൂപ്പ് നേരത്തെ ഉപയോഗിച്ചുവന്ന പ്രോഗ്രാമുകളിലാണ് വാണക്രൈ സോഫ്റ്റ് വെയര് ആദ്യം പ്രത്യക്ഷപ്പെട്ടതെന്ന് കാസ്പെര്സ്കി ലാബും സിമാന്റെകും നേരത്തെ വ്യക്തമാക്കിയിരുന്നു. ഇതെല്ലാം ചേര്ത്തുവെച്ച് ലോകത്തെ വിവിധ സൈബര് വിദഗ്ദരും ഉത്തരകൊറിയയാണ് ഹാക്കിംഗിന് പിന്നിലെന്ന് തിരിച്ചറിഞ്ഞിരുന്നു.
വാണക്രൈയുടെ ഉറവിടവും ഇത് സംബന്ധിച്ച സൂചനകള് നല്കുന്നതായി സൈബര് വിദഗ്ദരും കാസ്പെര്സ്കി ലാബ് ഗവേഷകരും ചൂണ്ടിക്കാണിക്കുന്നതെന്ന് കുര്ട്ട് ബോംബ്ഗാര്ട്ട്നറിനെ ഉദ്ധരിച്ച് റോയിറ്റേഴ്സ് റിപ്പോര്ട്ട് ചെയ്യുന്നു. കാസ്പെര്സ്കി ലാബും സിമാന്റെകുമാണ് ലോകത്തെ മുഴുവന് ഭീഷണിയിലാക്കിയ വന്നാക്രൈ സൈബര് ആക്രമണത്തിന് പിന്നില് ഉത്തരകൊറിയ്ക്ക് പങ്കുണ്ടെന്ന് ആദ്യം ചൂണ്ടിക്കാണിച്ചത്.
ഗൂഗിള് സുരക്ഷാ ഗവേഷക നീല് മേത്തയുടെ ട്വീറ്റില് പറയുന്ന തെളിവുകളുടെ അടിസ്ഥാനത്തിലായിരുന്നു ഇക്കാര്യങ്ങള് ഇരുകൂട്ടരും വെളിപ്പെടുത്തിയത്. വെള്ളിയാഴ്ച റിപ്പോര്ട്ട് ചെയ്ത ആക്രമണത്തിന്റെ വേഗത തിങ്കളാഴ്ചത്തേയ്ക്ക് മന്ദഗതിയില് ആവുകയായിരുന്നു. കാസ്പെര്സ്കി ലാബും സിമാന്റെകും നടത്തിയ ഗവേഷണങ്ങളെ സൂക്ഷ്മമായി നിരീക്ഷിച്ച ലോകത്തെ എന്ഫോഴ്സ്മെന്റ് ഏജന്സികള്.
https://www.facebook.com/Malayalivartha
