ട്രെയിനിലിരുന്ന് ശരീരം മൊബൈലില്‍ പകര്‍ത്തിയ യുവാവിന് പെണ്‍കുട്ടി കൊടുത്തത് എട്ടിന്റെ പണി
മിന്നല്‍ വേഗത്തില്‍ പായുന്ന ബുള്ളറ്റ് ട്രെയിനിലിരുന്ന പെണ്‍കുട്ടിയെ കണ്ടപ്പോള്‍ ആ യുവാവിനു തന്റെ തനി സ്വഭാവം പുറത്തു വന്നു. യുവതിയുടെ വസ്ത്രം അല്‍പം മാറി കിടന്നത് മുതലാക്കാന്‍ യുവാവ് സ്വന്തം മൊബൈലെടുത്ത് പെണ്‍കുട്ടിയുടെ ചിത്രം പകര്‍ത്തി. എന്നാല്‍, ഇയാളുടെ സീറ്റിനു പിന്നിലെ കണ്ണാടിയില്‍ ഇയാളുടെ മൊബൈലിന്റെ ചിത്രം പതിഞ്ഞതു ഇയാള്‍ ശ്രദ്ധിച്ചില്ല. എന്നാല്‍, മുന്നിലിരുന്ന യുവതി ഇതെല്ലാം കാണുന്നുണ്ടായിരുന്നു. ട്രെയിനിലിരുന്ന തന്റെ ചിത്രം പകര്‍ത്തിയ യുവാവിനെ പിടികൂടിയ യുവതി, ഇയാളെ പൊലീസിലും ഏല്‍പ്പിച്ചു. സിംഗപ്പൂരിലാണ് സംഭവമുണ്ടായത്. ഉമാ മഹേശ്വരി എന്ന യുവതിയാണ് തന്റെ വീഡിയോ പകര്‍ത്തിയയാളുടെ വീഡിയോ പകര്‍ത്തി ഫേസ്ബുക്കില്‍ പോസ്റ്റ് ചെയ്യുകയും കയ്യോടെ പിടിച്ച് പോലീസില്‍ ഏല്‍പ്പിക്കുകയും ചെയ്തത്.
മെയ് 13ന് നടന്ന സംഭവം എന്ന് പറഞ്ഞാണ് ഉമാ മഗേശ്വരി ഇത് വിവരിക്കുന്നത്. ഒരു സുഹൃത്തിനെ കാണാനായി ഹാര്‍ബര്‍ഫ്രണ്ടിലേക്ക് പോകാന്‍ ട്രെയിനില്‍ കയറിയതാണ് താന്‍. തനിക്കു മുന്നിലുള്ള സീറ്റില്‍ വന്ന് ഇരിക്കാന്‍ ഇയാള്‍ തിടുക്കം കാട്ടുന്നത് കണ്ടു. പിന്നീട് ഇയാള്‍ ഫോണ്‍ കയ്യിലെടുക്കുകയും തനിക്കു നേരെ ഉയര്‍ത്തിപ്പിടിക്കുകയും ചെയ്തു. അയാള്‍ക്ക് താന്‍ ചെയ്യുന്ന മണ്ടത്തരത്തിനേക്കുറിച്ച് മനസിലാകുന്നതിനു മുമ്പു തന്നെ അയാളുടെ വീഡിയോ താന്‍ പകര്‍ത്തിയെന്ന് യുവതി കുറിക്കുന്നു.
അയാളോട് താന്‍ പിന്നീട് ദേഷ്യപ്പെട്ടു. ട്രെയിന്‍ ജീവനക്കാരും സുരക്ഷാ ജീവനക്കാരും സ്ഥലത്തെത്തുകയും അയാളുടെ ഫോണില്‍ നിന്ന് സമാനമായ നിരവധി പേരുടെ വീഡിയോകള്‍ കണ്ടെത്തുകയും ചെയ്തു. സൂരജ് എന്നാണ് ഇയാളുടെ പേര്. അവസാനം കാല് പിടിച്ച അയാള്‍ താന്‍ അയാള്‍ക്ക് സഹോദരിയെപ്പോലെയാണെന്ന് വരെ പറഞ്ഞുവെന്നും ഉമ കുറിക്കുന്നു. ഇത്തരം സംഭവങ്ങള്‍ മറ്റുള്ളവര്‍ക്ക് ഉണ്ടാകാതിരിക്കാനാണ് തനിക്കുണ്ടായ അനുഭവം പങ്കുവെക്കുന്നതെന്നും ഉമ പോസ്റ്റില്‍ പറയുന്നു.
https://www.facebook.com/Malayalivartha
