ചൈന നമ്മളേക്കാള്‍ 100 വര്‍ഷം മുമ്പിലാകാന്‍ കാരണമെന്ത്. ഇതാണ് അതിനുള്ള ഉത്തരം. റോഡിലൂടെ ട്രെയിന്‍ ഓടുമോയെന്ന് ചോദിച്ചാല്‍ ആരായാലും ഒന്ന് ചിരിച്ചു പോകും. എന്നാല്‍ ഇനി അത് വേണ്ട. ബസ്സിനും കാറിനുമൊപ്പം റോഡിലൂടെ ട്രെയിനും ഓടുമെന്ന് തെളിയിച്ചിരിക്കുകയാണ് ചൈന. ട്രാക്കിലൂടെ അല്ലാതെ റോഡിലൂടെ ട്രെയിന്‍ സഞ്ചരിക്കുന്ന ചിത്രങ്ങളും വിഡിയോകളും പുറത്തുവന്നു കഴിഞ്ഞു. ലോകത്ത് തന്നെ ഇത്തരമൊരു പദ്ധതി ആദ്യമായിട്ടായിരിക്കും പരീക്ഷിക്കുന്നത്.
എന്നാല്‍ സാധാരണ ട്രെയിനുകളിലെ ഉരുക്ക് ടയറുകള്‍ക്ക് പകരം റബ്ബര്‍ ടയറുകളാണ് ഇവിടെ ഉപയോഗിച്ചിരിക്കുന്നത്. ചൈനീസ് നഗരം ഹ്യുനാന്‍ പ്രവിശ്യയിലാണ് ജൂണ്‍ രണ്ടിന് പുതിയ സര്‍വീസ് അവതരിപ്പിച്ചത്. അത്യാധുനിക ടെക്‌നോളജിയുടെ സഹായത്തോടെ നിര്‍മിച്ചിട്ടുള്ള ട്രെയിന്‍ ലോകത്ത് തന്നെ വന്‍ വിപ്ലവം സൃഷ്ടിച്ചേക്കുമെന്നാണ് കരുതുന്നത്. 2013 ലാണ് ചൈനീസ് റെയില്‍ കോര്‍പ്പറേഷന്‍ ഈ പദ്ധതിക്ക് തുടക്കം കുറിക്കുന്നത്. പുതിയ പദ്ധതി 2018 ല്‍ മാത്രമേ പൂര്‍ണമായി പ്രവര്‍ത്തിച്ചു തുടങ്ങൂ.
റോഡില്‍ അടയാളപ്പെടുത്തിയിട്ടുള്ള വഴികളിലൂടെയാണ് ട്രെയിന്‍ സഞ്ചരിക്കുക. ട്രെയിന്‍ നിയന്ത്രിക്കാനായി നിരവധി സെന്‍സറുകളും ഉപയോഗിക്കുന്നുണ്ട്. സെന്‍സറുകളുടെ സഹായത്തോടെയാണ് െ്രെഡവര്‍ റോഡിലെ വഴികള്‍ തിരിച്ചറിയുക. മണിക്കൂറില്‍ 70 കിലോമീറ്റര്‍ വേഗമുള്ള എന്‍ജിനുള്ള ട്രെയിന്‍ പത്ത് മിനിറ്റ് ചാര്‍ജ് ചെയ്താല്‍ 25 കിലോമീറ്റര്‍ വരെ സഞ്ചരിക്കും. ഇത്തരത്തില്‍ നിര്‍മ്മിക്കുന്ന ട്രെയിനുകള്‍ക്ക് 25 വര്‍ഷ കാലാവധിയാണ് പറയുന്നത്.