ബ്രിട്ടനില് ഭീകരാക്രമണം, രണ്ടു മരണം
പൊതുതിരഞ്ഞെടുപ്പിന് ദിവസങ്ങള് മാത്രം ബാക്കി നില്ക്കെ ബ്രിട്ടനെ ഞെട്ടിച്ച് വീണ്ടും ഉണ്ടായ രണ്ട് ഭീകരാക്രമണത്തില് രണ്ടു പേര് മരിച്ചു. നിരവധി പേര്ക്ക് പരിക്കേറ്റു. ലണ്ടന് ബ്രിഡ്ജില് കാല്നട യാത്രക്കാര്ക്കിടയിലേക്ക് വാന് ഇടിച്ചു കയറ്റിയാണ് ആദ്യ ആക്രമണം നടത്തിയത്. ഈ ആക്രമണത്തിലാണ് രണ്ട് പേര് മരിച്ചത്. അതേസമയം,? ബാറില് അവധിദിനം ആഘോഷിക്കുകയായിരുന്നവര്ക്കു നേരെ അക്രമി നടത്തിയ കത്തിക്കുത്തില് ഏഴ് പേര് മരിച്ചതായി സ്ഥിരീകരിക്കാത്ത റിപ്പോര്ട്ടുണ്ട്.
പ്രാദേശിക സമയം ശനിയാഴ്ച രാത്രിയോടെയാണ് ആക്രമങ്ങള് ഉണ്ടായത്. ആക്രമണം നടത്തിയെന്ന് കരുതുന്ന മൂന്ന് പേര്ക്കായി പൊലീസ് തെരച്ചില് ഊര്ജിതമാക്കി. സംഭവത്തെ തുടര്ന്ന് ലണ്ടന് പാലത്തിലൂടെയുള്ള ഗതാഗതം നിര്ത്തിവച്ചു. യാത്രക്കാര് സമീപ പ്രദേശങ്ങളിലൂടെയുള്ള യാത്ര ഒഴിവാക്കണമെന്ന് പൊലീസ് അഭ്യര്ത്ഥിച്ചു. പൊലീസും ആരോഗ്യ പ്രവര്ത്തകരും സ്ഥലത്ത് ക്യാമ്പ് ചെയ്യുകയാണ്.
കഴിഞ്ഞയാഴ്ച മാഞ്ചസ്റ്ററില് പോപ്പ് ഗായിക അരിയാന ഗ്രാന്ഡെയുടെ സംഗീത നിശയ്ക്കിടെ ഉണ്ടായ ചാവേര് ആക്രമണത്തില് 22 പേര് കൊല്ലപ്പെട്ടിരുന്നു. അതിന് പിന്നാലെയുണ്ടായ സംഭവം ബ്രിട്ടനെ അക്ഷരാര്ത്ഥത്തില് ഞെട്ടിച്ചിട്ടുണ്ട്
https://www.facebook.com/Malayalivartha
