ഫ്രഞ്ച് പ്രസിഡന്റ് ഇമ്മാനുവല്‍ മക്രോണ്‍, റഷ്യന്‍ പ്രസിഡന്റ് വഌദിമിര്‍ പുതിന്‍ എന്നിവരുമായി ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍താനി ടെലിഫോണ്‍ സംഭാഷണം നടത്തി. മേഖലയിലെ പുതിയ സംഭവ വികസനങ്ങളെക്കുറിച്ചും ഖത്തറുമായി അറബ്ഗള്‍ഫ് രാജ്യങ്ങള്‍ക്കിടയിലെ നിലവിലെ പ്രതിസന്ധിയും മക്രോണുമായി ചര്‍ച്ചചെയ്തു. ഫ്രാന്‍സും ഖത്തറും തമ്മിലുള്ള ബന്ധം ശക്തമാക്കണമെന്ന ആഗ്രഹവും മക്രോണ്‍ വ്യക്തമാക്കി. ഖത്തറും അയല്‍രാജ്യങ്ങളും തമ്മിലുള്ള പ്രശ്‌നങ്ങള്‍ ചര്‍ച്ചയിലൂടെ പരിഹരിക്കണമെന്നും ഇരുഭാഗത്തുമുള്ള സമ്മര്‍ദം കുറയ്ക്കണമെന്നും പ്രസിഡന്റ് പറഞ്ഞു. ഖത്തറുമായുള്ള ബന്ധം ശക്തിപ്പെടുത്തണമെന്ന പ്രസിഡന്റിന്റെ തീരുമാനത്തെ അമീര്‍ അഭിനന്ദിക്കുകയും ചെയ്തു.

ഖത്തറും ഗള്‍ഫ്അറബ് രാജ്യങ്ങളുമായുള്ള നിലവിലെ പ്രതിസന്ധിയെക്കുറിച്ചാണ് വഌദിമിര്‍ പുതിനുമായും അമീര്‍ ചര്‍ച്ചചെയ്തത്. പരസ്?പര ബഹുമാനത്തോടും നയതന്ത്ര രാഷ്ട്രീയ മാര്‍ഗങ്ങളിലൂടെയും ചര്‍ച്ചയിലൂടെ പ്രശ്‌നം പരിഹരിക്കണമെന്ന നിര്‍ദേശമാണ് വഌദിമിര്‍ പുതിനും നല്‍കിയത്.റഷ്യയുടെ പിന്തുണയ്ക്കും ഖത്തറുമായുള്ള ബന്ധം ശക്തിപ്പെടുത്താനുള്ള തീരുമാനത്തിനും അമീര്‍ വഌദിമിര്‍ പുതിന് നന്ദി അറിയിക്കുകയും ചെയ്തു. മേഖലയിലെ സ്ഥിരതയും ഐക്യവും നിലനിര്‍ത്തണമെന്ന മക്രോണിന്റെയും പുതിന്റെയും താത്പര്യത്തിനും അമീര്‍ നന്ദി അറിയിച്ചു.