കൈമാത്രം ഉപയോഗിച്ച് മലകള്‍ കീഴടക്കുന്ന ദൃശ്യം ബാഹുബലി എന്ന സിനിമയില്‍ നാമെല്ലാവരും കണ്ടിട്ടുള്ളതാണ്. അത് ഗ്രാഫിക്‌സിന്റെ സഹായത്തോടുകൂടിയാണ് ചെയ്തിരിക്കുന്നത് എന്നാല്‍ യാഥാര്‍തത്തിലും ഇത് സാധ്യമാകുമെന്ന് തെളിയിച്ചിരിക്കുകയാണ് കാലിഫോര്‍ണിയ സ്വദേശിയായ അലക്‌സ് ഹൊണോള്‍ഡ് എന്ന 31 വയസുകാരന്‍. ഒരു ഉപകരണത്തിന്റെയയും സഹായമില്ലാതെ കൈമാത്രം ഉപയോഗിച്ച് ഒരു പര്‍വതം കീഴടക്കി എന്നത് ചെറിയ കാര്യമൊന്നുമല്ല എന്നാല്‍ നോര്‍ത്തേണ്‍ കാലിഫോര്‍ണിയ സ്വദേശിയായ അലക്‌സ് ഹൊണോള്‍ഡ് എന്ന 31 വയസുകാരന്‍ കാലിഫോര്‍ണിയലെ യോസ്‌മൈറ്റ് നാഷണല്‍ പാര്‍ക്കിലെ എല്‍ ക്യാപ്റ്റന്‍ എന്ന 3,000 അടി ഉയരമുള്ള ഗ്രാനൈറ്റ് മല യാതൊരു സുരക്ഷാ ഉപകരണങ്ങളുടെയും സഹായമില്ലാതെ കീഴടക്കി ഇത് സാധ്യമാണെന്ന് തെളിയിച്ചിരിക്കുകയാണ്. മൂന്നു മണിക്കൂറും 56 മിനിറ്റുമെടുത്താണ് അദ്ദേഹം ഈ ഉദ്ധ്യമം പൂര്‍ത്തിയാക്കിയത്.

തെന്നുന്ന പാറയില്‍ കൈ വഴുതാതിരിക്കാന്‍ കുറച്ചു പൊടി മാത്രമാണ് അലക്‌സ് ഉപയോഗിച്ചത്. ഇതിനു മുന്പ് കയര്‍ ഉപയോഗിച്ച് അദ്ദേഹം നിരവധി തവണ എല്‍ ക്യാപ്റ്റനു മുകളില്‍ കയറിയിരുന്നു. ഈ സമയത്ത് രേഖപ്പെടുത്തിയ അടയാളങ്ങളാണ് അലക്‌സിന് സഹായകമായത് എല്‍ ക്യാപ്റ്റന്‍ കണ്ടതു മുതല്‍ ഉപകരണങ്ങളുടെ സഹായമില്ലാതെ ഇതിനു മുകളില്‍ കയറണമെന്നത് തന്റെണ ആഗ്രഹമായിരുന്നെന്നാണ് അലക്‌സ് പറയുന്നത്. 2,300 അടി ഉയരത്തിലെത്തിയപ്പോഴാണ് ഏറ്റവും ബുദ്ധിമുട്ടനുഭവപ്പെട്ടതെന്നാണ് അദേഹം പറയുന്നത്. കാരണം ഗ്രിപ്പ് നഷ്ടപ്പെട്ടതിനാല്‍ തള്ളവിരല്‍ മാത്രമാണ് ഉപയോഗിക്കാന്‍ കഴിഞ്ഞത്. മുന്‍പ് മലകയറിയപ്പോള്‍ ഇതു മനസിലാക്കിയിരുന്ന അലക്‌സ് ഇതു തരണം ചെയുന്നതിനായി ദിവസവും തള്ളവിരല്‍ ഉപയോഗിച്ച് തൂങ്ങിക്കിടക്കുമായിരുന്നു. മണിക്കൂറുകളോളം സമയം ഇതിനായി അദ്ദേഹം ഉപയോഗിച്ചിരുന്നു.

മലകയറുന്നതിനിടയില്‍ തനിക്ക് സഹായമായി യാതൊന്നുമില്ലന്ന ചിന്ത തന്നെ ഭയപ്പെടുത്തിയിരുന്നു എന്നാല്‍ ആ ചിന്തയെ മറികടന്നതാണ് തന്റെു വിജയത്തിനു കാരണമായി മാറിയതെന്നും അലക്‌സ് പറഞ്ഞു. നാഷണല്‍ ജോഗ്രഫിക്കിന്റെക് റിപ്പോര്‍ട്ടുകളുടെ അടിസ്ഥാനത്തില്‍ സാധാരണ മനുഷ്യരുടെ മാനസികാവസ്ഥയെ അപേക്ഷിച്ച് യാതൊരു പേടിയുമില്ലാതെ ഇതു ചെയ്ത അലക്‌സിന്റെസ പ്രകടനം അസാധാരണമാണെന്നാണ് വിദഗ്ധരുടെ അഭിപ്രായം. മുന്‍പ് ഈ പര്‍വതം കീഴടക്കിയവരുള്‍പ്പടെ നിരവധിയാളുകളാണ് അദേഹത്തെ അഭിനന്ദിച്ച് രംഗത്തെത്തി.