ഏഴു പേരെ കൊലപ്പെടുത്തിയ സീരിയല്‍ കില്ലറുടെ പിടിയില്‍പ്പെട്ട പെണ്‍കുട്ടിയെ രണ്ടു മാസത്തോളം പൂര്‍ണ നഗ്‌നയാക്കി, ഷിപ്പിങ് കണ്ടെയ്നറിനുള്ളില്‍ പൂട്ടിയിട്ട നിലയില്‍ കണ്ടെത്തി. കഴുത്തില്‍ ചങ്ങലയിട്ട്, പച്ചിലകളും കാടുകളും പടര്‍ന്നു കയറിയ കണ്ടെയ്നറിനുള്ളില്‍ പൂട്ടിയിട്ട നിലയിലാണ് യുവതിയെ കണ്ടെത്തിയത്. യുവതിയുടെ കാമുകനെ കൊലപ്പെടുത്തിയ ശേഷമാണ് സീരിയല്‍ കില്ലറായ യുവാവ് പെണ്‍കുട്ടിയെ തട്ടിയെടുത്തുകൊണ്ടു വന്നു തടവില്‍ പാര്‍പ്പിച്ചത്.

മുപ്പതുകാരിയായ കാലാ ബ്രൗണ്‍ എന്ന യുവതിയെയാണ് കോഹ്ലിഹേപ്പ് എന്ന 49 കാരന്‍ മാസങ്ങളോളം തടവില്‍ പാര്‍പ്പിച്ചത്. യുവതിയുടെ കാമുകനായ ചാള്‍സ് കാര്‍ട്ടര്‍ അടക്കം ഏഴു പേരെയാണ് ഇയാള്‍ കൊലപ്പെടുത്തിയത്. കാമുകന്‍മാരെ കൊലപ്പെടുത്തിയ ശേഷം കാമുകിമാരെ തട്ടിക്കൊണ്ടു പോയി ബലാത്സംഗം ചെയ്യുകയാണ് പ്രതിയുടെ രീതി. ലഹരിയ്ക്കു അടിമയായ പ്രതി സ്‌കോട്ട് പോണ്‍ഡേര്‍ (30), ബിവേര്‍ലി ഗേ (52), ബ്രയാന്‍ ലൂക്കാസ് (30), ക്രിസ് ഷേര്‍ബേര്‍ട്ട് (26) എന്നിവരെയാണ് പ്രതി കൊലപ്പെടുത്തിയത്. ഇവരുടെയെല്ലാം കാമുകിമാരെയും ഇയാള്‍ തട്ടിക്കൊണ്ടു പോയി ബലാത്സംഗം ചെയ്യുകയും ചെയ്തിരുന്നു.

ബ്രൗണിനെ കണ്ടെയ്നറിനുള്ളില്‍ നിന്നു രക്ഷിക്കുന്ന ദൃശ്യം അന്വേഷണ സംഘത്തിലുണ്ടായിരുന്ന പൊലീസ് ഉദ്യോഗസ്ഥന്‍ പുറത്തു വിട്ടതോടെയാണ് സംഭവം പുറംലോകത്ത് അറിഞ്ഞത്. കഴിഞ്ഞ ദിവസമാണ് ബ്രൗണിയെ രക്ഷിക്കുന്ന വീഡിയോ ദൃശ്യങ്ങള്‍ യുഎസ് പൊലീസ് സംഘം പുറത്തു വിട്ടത്.

ഇപ്പോള്‍ തടവിലാക്കപ്പെട്ട കാലാ ബ്രൗണിനെ കാമുകനൊപ്പം കാറില്‍ യാത്ര ചെയ്യുമ്പോഴാണ് പ്രതി തടവിലാക്കിയത്. കാറില്‍ മറ്റൊരു കാര്‍ കൊണ്ട് ഇടിപ്പിച്ച് ശേഷമുണ്ടായ തര്‍ക്കത്തിനിടെ ബ്രൗണിന്റെ കാമുകനെ പ്രതി തലയ്ക്കടിച്ചു വീഴ്ത്തി. തുടര്‍ന്നു രക്ഷപെടാന്‍ എഴുന്നേറ്റ ഇയാളുടെ കഴുത്ത് അറുത്തു കൊലപ്പെടുത്തി. തുടര്‍ന്നു ബ്രൗണിനെ തട്ടിക്കൊണ്ടു വന്നു തടവില്‍ പാര്‍പ്പിക്കുകയായിരുന്നു. കണ്ടെയ്നറിനുള്ളിലേയ്ക്കു ഇയാള്‍ എത്തിയിരുന്നതു തന്നെ ബ്രൗണിനെ പീഡിപ്പിക്കുന്നതിനു വേണ്ടിയിരുന്നു.

ഇതിനിടെയാണ് കൊലപാതകത്തില്‍ പ്രതിയായ ഇയാളെ പൊലീസ് അറസ്റ്റ് ചെയ്യുന്നത്. തുടര്‍ന്നു ഇയാള്‍ സ്ഥിരമായി പോയിരുന്ന സ്ഥലങ്ങളില്‍ നടത്തിയ പരിശോധനയ്ക്കിടെയാണ് ബ്രൗണിനെ കണ്ടെയ്നറിനുള്ളില്‍ പൂട്ടിയിട്ടിരുന്നതായി കണ്ടെത്തിയത്.