ചാരപ്രവർത്തനത്തിനുശേഷം മടങ്ങിയ ഉത്തരകൊറിയന് ഡ്രോണ് തകര്ന്ന നിലയില്
ഉത്തരകൊറിയന് ഡ്രോണ് തകര്ന്ന നിലയില്. ദക്ഷിണകൊറിയയില് യുഎസ് സ്ഥാപിച്ചിരിക്കുന്ന മിസൈല് പ്രതിരോധ സംവിധാനത്തിന്റെ ചിത്രങ്ങള് പകര്ത്താനെത്തിയ ഡ്രോണാണ് തകര്ന്നത്. ദക്ഷിണ കൊറിയയിലെ സിയോന്ഹുവില് സ്ഥാപിച്ചിട്ടുള്ള താഡ് മിസൈല് പ്രതിരോധ സംവിധാനത്തിന്റെ ആകാശ ചിത്രമെടുത്ത് മടങ്ങുമ്പോഴാണ് ഡ്രോണ് കാട്ടില് തകര്ന്നുവീണതെന്നാണ് റിപ്പോര്ട്ടുകള്.
കഴിഞ്ഞയാഴ്ചയാണ് ദക്ഷിണ–ഉത്തര കൊറിയകളുടെ അതിര്ത്തി പ്രദേശേത്തെ പര്വതമേഖലയിലെ വനത്തില് നിന്ന് ചെറുവിമാനം തകര്ന്ന നിലയില് കണ്ടെത്തിയത്. ഇപ്പോഴാണ് ദക്ഷിണ കൊറിയന് വാര്ത്താ ഏജന്സി വിവരങ്ങള് പുറത്തുവിട്ടത്.
ഡ്രോണിന്റെ 64 ജിബി മെമ്മറി ചിപ്പ് പരിശോധിച്ചപ്പോഴാണ് യുഎസ് മിസൈല് പ്രതിരോധ സംവിധാനത്തിന്റെ ചിത്രങ്ങള് കണ്ടെത്തിയത്. ഇതേതുടര്ന്നാണ് ചാരപ്രവർത്തനത്തിനുശേഷം മടങ്ങിയ ഡ്രോണ് ആണ് തകര്ന്നതെന്ന നിഗമനത്തില് എത്തിയത്. അതിര്ത്തിയും സംഭവംനടന്ന സ്ഥലവും തമ്മില് 170 മൈല് ദൂരമാണുള്ളത്.
https://www.facebook.com/Malayalivartha
