നരേന്ദ്ര മോദിയെ പുകഴ്ത്തി ഇസ്രായേല്‍ പത്രം. നരേന്ദ്ര മോദി ലോകത്തിലെ ഏറ്റവും പ്രധാനപ്പെട്ട പ്രധാനമന്ത്രിയെന്ന് ഇസ്രയേല്‍ പത്രമായ ദി മേക്കര്‍. ഇസ്രയേല്‍ സന്ദര്‍ശിക്കുന്ന ആദ്യ ഇന്ത്യന്‍ പ്രധാനമന്ത്രിയായ മോദിക്ക് വന്‍ സ്വീകരണമാണ് ഒരുക്കിയിരിക്കുന്നത്. 'ഉണരൂ ലോകത്തിലെ ഏറ്റവും പ്രധാനപ്പെട്ട പ്രധാനമന്ത്രി വരുന്നു' എന്നാണ് മോദിയെ പ്രശംസിച്ചിരിക്കുന്നത്. ആദ്യമായി എത്തുന്ന ഇന്ത്യന്‍ പ്രധാനമന്ത്രിയെ അതിനേക്കാള്‍ പ്രാധാന്യത്തോടെ സ്വീകരിക്കണമെന്നും പത്രത്തില്‍ പറയുന്നു.

ജൂലയ് 4നാണ് മോദിയുടെ ത്രിദിന ഇസ്രയേല്‍ സന്ദര്‍ശനം. ജൂലൈ 5ന് ടെല്‍ അവീവില്‍ മോദി പങ്കെടുക്കുന്ന ചടങ്ങില്‍ നാലായിരത്തോളം ഇന്ത്യന്‍ വംശജര്‍ പങ്കെടുക്കും. ഇരസയേലുമായി 40 മില്യണ്‍ ഡോളറിന്റേതടക്കം വിവിധ കരാറുകളില്‍ ഒപ്പിടും. മോദിക്കായി പ്രത്യേക വിരുന്നും ഇസ്രയേല്‍ പ്രധാനമന്ത്രി നെതന്യാഹു ഒരുക്കുന്നുണ്ട്.

ഇന്ത്യന്‍ നയതന്ത്ര ബന്ധങ്ങളെക്കുറിച്ചും പ്രതീക്ഷകളെക്കുറിച്ചും ലേഖനത്തില്‍ എഴുതിയിട്ടുണ്ട്. കഴിഞ്ഞ മാസം ഇസ്രയേലിലെത്തിയ യുഎസ് പ്രസിഡന്റ് ട്രംപിനെ വരവേറ്റത് വലിയ പ്രതീക്ഷകളോടെയായിരുന്നു എന്നാല്‍ അദ്ദേഹം നിരാശപ്പെടുത്തി എന്നും പാത്രത്തില്‍ പറയുന്നുണ്ട്.