വടക്കൻ കാലിഫോർണിയയിൽ കാട്ടുതീയിൽപെട്ടു 10 മരണം. 100ലധികം പേർക്ക് പൊള്ളലേറ്റു. 1500 ൽ പരം വീടുകളും കച്ചവട സ്ഥാപനങ്ങളും മറ്റ് കെട്ടിടങ്ങളും അഗ്നിക്കിരയായി. ദുരന്ത പ്രദേശത്ത് നിന്ന് 20,000 പേരെ ഒഴിപ്പിച്ചു. കൂടുതൽ പേരെ ഒഴിപ്പിക്കാനുള്ള ശ്രമങ്ങൾ തുടരുന്നു. പുക ശ്വസിച്ചു ശ്വാസതടസം അനുഭവപ്പെട്ടവരെയും ബുദ്ധിമുട്ടുകൾ നേരിടുന്നവരെയും അടിയന്തിരമായി ആശുപത്രിയിൽ പ്രവേശിപ്പിച്ചിട്ടുണ്ട്.

10 പേരുടെ മരണം സ്ഥിരീകരിച്ചിട്ടുണ്ട്. മരിച്ചവരിൽ ഏഴു പേർ സൊനോമ, രണ്ടു പേർ നാപാ, ഒരാൾ മെൻഡോസിനോ കൗണ്ടി സ്വദേശികളാണ്. മരണസംഖ്യ ഇനിയും ഉയരുമെന്നാണ് രക്ഷാപ്രവർത്തകരുടെ നിഗമനം.
തീ പിടുത്തമുണ്ടായ പശ്ചാത്തലത്തിൽ ഗവർണർ ജെറി ബ്രൗൺ സൊനോമ, നാപാ അടക്കം എട്ടു മേഖലകളിൽ അടിയന്തരാവസ്ഥ പ്രഖ്യാപിച്ചിട്ടുണ്ട്.