ഇ​രു​പ​ത്തി​യ​ഞ്ചു വ​ർ​ഷ​ത്തോ​ളം പഴക്കമുള്ള ഭ്രൂണത്തിൽ നിന്നും കുഞ്ഞ് ജനിച്ചു. 20 വ​ർ​ഷം പ​ഴ​ക്ക​മു​ള്ള ഭ്രൂ​ണ​ത്തി​ൽ നി​ന്നും കുഞ്ഞ് പിറന്നിട്ടുണ്ട്. ഈ റെക്കോർഡ് തിരുത്തിക്കുറിച്ചിരിക്കുകയാണ് ഈ കുഞ്ഞ്. യു​എ​സി​ലെ കി​ഴ​ക്ക​ൻ ടെ​ന്നി​സി​യി​ലാ​യിരു​ന്നു സം​ഭ​വം.

ക​ഴി​ഞ്ഞ മാ​ർ​ച്ചി​ലാ​ണ് ഇ​രു​പ​ത്തി​യാ​റു​കാ​രി​യാ​യ ടീ​ന ഗി​ബ്സ​ൺ ഭ്രൂ​ണം സ്വീ​ക​രിക്കുന്നത്. ടിന​യു​ടെ ഗ​ർ​ഭ​പാ​ത്ര​ത്തി​ൽ ഐ​വി​എ​ഫ് ചി​കി​ത്സ​യി​ലൂ​ടെ ഭ്രൂ​ണം നി​ക്ഷേ​പി​ക്കുകയായിരുന്നു. 1992 ഒ​ക്ടോ​ബ​ർ 14 മു​ത​ൽ ശീതികരിച്ച് സൂക്ഷിച്ചുപ്പോന്ന ഭ്രൂണമാണ് ടീനയിൽ നിക്ഷേപിച്ചത്.

ടീന-​ബ​ഞ്ച​മി​ൻ ഗി​ബ്സ​ൺ ദ​മ്പ​തി​ക​ൾ ആ​രോ​ഗ്യ​പ്ര​ശ്ന​ത്തെ തു​ട​ർ​ന്നാ​ണ് ഐ​വി​എ​ഫ് ചി​കി​ത്സ​യ്ക്കു വി​ധേ​യ​രാ​യ​ത്. ന​വം​ബ​ർ‌ 25 ന് ​എ​മ്മ റെ​ൻ ഗി​ബ്സ​ണി​ന്, ടിന ജ​ന്മം ന​ൽ​കി. ഐ​വി​എ​ഫ് ചി​കി​ത്സ ആ​രം​ഭി​ച്ച​തി​നു ശേ​ഷം ആ​ദ്യ​മാ​യാ​ണ് ഇ​ത്ര​യും വ​ർ​ഷം പ​ഴ​ക്ക​മു​ള്ള ഭ്രൂ​ണ​ത്തി​ൽ​നി​ന്നും കു​ട്ടി പി​റ​ക്കു​ന്ന​ത്. ഭ്രൂ​ണം ആ​രു​ടേ​താ​ണെ​ന്ന് വെ​ളി​പ്പെ​ടു​ത്തി​യി​ട്ടി​ല്ലെ​ങ്കി​ലും എ​ന്നെ സ്നേ​ഹി​ക്കു​ന്ന ആ​രു​ടേ​യെ​ങ്കി​ലും ആ​കാം എ​ന്നാ​ണ് ടിന പ​റ​യു​ന്ന​ത്.

ഏഴു വര്‍ഷം മുമ്പാണ്​ ടിനയും ബെഞ്ചമിനും വിവാഹിതരായത്​. കുട്ടികളില്ലാതിരുന്ന ദമ്പതികള്‍ ​ഭ്രൂണം ദത്തെടുത്ത്​ സ്വന്തം ഗര്‍ഭപാത്രത്തില്‍ നിക്ഷേപിക്കുന്നതിനെ കുറിച്ച്‌​ മാസികകളിലുടെ അറിയുകയും ഫെര്‍ട്ടിലിറ്റി സന്റെറിനെ സമീപിക്കുകയുമായിരുന്നു. എംബ്രിയോ ഡൊണേഷന്‍ സന്റെറിലെ അധികൃതര്‍ ഏറ്റവും പ്രായമേറിയ ഭ്രൂണത്തെകുറിച്ച്‌​ അറിയിച്ചപ്പോള്‍ സ്വീകരിക്കാന്‍ ടിന തയാറാവുകയായിരുന്നു. കുഞ്ഞ്​ എമ്മ ആരോഗ്യവതിയാണെന്നും ആറു പൗണ്ടിലേറെ തൂക്കമുണ്ടെന്നും ടിന പറയുന്നു. ഏറ്റവും കാലം സൂക്ഷിച്ച ഭ്രൂണത്തിലൂടെ അമ്മയാകാന്‍ കഴിഞ്ഞ സന്തോഷത്തിലാണ്​ ടിന.