പ്രിയപ്പെട്ടവരുടെ കൈയിൽ നിന്ന് എന്തെങ്കിലും സമ്മാനം ലഭിച്ചാൽ അപ്പോൾ തന്നെ സന്തോഷത്തോടുകൂടി തുറന്നു നോക്കുന്നവരാണ് എല്ലാവരും. കാരണം മറ്റൊന്നുമല്ല ആ പ്രിയപ്പെട്ട ആൾ എന്താണ് തനിക്ക് സമ്മാനമായി നൽകുന്നത് എന്ന അറിയാനുള്ള ആകാംഷ തന്നെയാണ് അതിനു പിന്നിൽ . ഇന്നലെന്നാൽ അതിൽ നിന്നെല്ലാം വിപരീതനാണ് കാ​ന​ഡ സ്വ​ദേ​ശി​യാ​യ അ​ഡ്രിയാ​ൻ പി​യേ​ഴ്സ്. കാ​മു​കി ന​ൽ​കി​യ ക്രി​സ്മ​സ് സ​മ്മാ​നം തു​റ​ന്നു നോ​ക്കാ​തെ അദ്ദേഹം സൂ​ക്ഷി​ച്ചുവ​ച്ച​ത് 47 വ​ർ​ഷ​ങ്ങ​ളാണ്. ഒടുവില്‍ അദ്ദേഹം അത് അത് തുറന്ന് നോക്കാൻ തീരുമാനിച്ചു . പക്ഷെ വര്‍ഷം ഇനിയും കഴിയും, സമ്മാനം കിട്ടയതിന്‍റെ അമ്പതാം വാര്‍ഷികത്തിലെ അത് തുറക്കൂ എന്ന വാശിയിലാണ് അദ്ദേഹം.

ഈ വിചിത്രമായ തീരുമാനത്തിന് പിന്നിൽ ഒരു കഥയുണ്ട് , അതൊരു തേപ്പിന്റെ കഥയാണ്. 1970ൽ ​അഡ്രിയാന്‍റെ പ​തി​നേ​ഴാം വയസിൽ ടൊ​റന്‍റോ​യി​ലെ ജോ​ർ​ജ് എ​സ്. ഹെ​ൻ​ട്രി സെ​ക്ക​ൻ​ഡ​റി സ്കൂ​ളി​ലെ പ​ഠ​ന കാ​ല​യ​ള​വി​ലാ​ണ് വി​ക്കി എ​ന്ന കാ​മു​കി ക്രി​സ്മ​സ് സ​മ്മാ​നം ന​ൽ​കി​യ​ത്.​ അഡ്രിയാൻ ഇ​ത് തു​റ​ക്കാ​തെ വീ​ട്ടി​ൽ കൊ​ണ്ടു​പോ​യി ഭ​ദ്ര​മാ​യി സൂ​ക്ഷി​ച്ചു​വച്ചു. എന്നാൽ, സ​മ്മാ​നം ന​ൽ​കി കു​റ​ച്ചു ദി​വ​സ​ങ്ങ​ൾ​ക്കു​ള്ളി​ൽ ത​ന്നെ ഗു​ഡ്ബൈ​ പ​റ​ഞ്ഞ് വി​ക്കി സ്ഥ​ലം വി​ട്ടു.

ആ​ത്മാ​ർ​ഥ​മാ​യി താ​ൻ സ്നേ​ഹി​ച്ച​യാ​ൾ ഉ​പേ​ക്ഷി​ച്ചു പോ​യ​തി​ലു​ള്ള ദേ​ഷ്യ​വും അ​മ​ർ​ഷ​വും അ​ദ്ദേ​ഹ​ത്തെ അ​ല​ട്ടി. നേരെ വീ​ട്ടി​ൽ ചെ​ന്ന അ​ഡ്രിയാ​ൻ വി​ക്കി ന​ൽ​കി​യ സ​മ്മാ​നം എ​ടു​ത്ത് വ​ലി​ച്ചെ​റി​ഞ്ഞു. അ​ത് നേ​രെ ചെ​ന്ന് വീ​ണ​ത് വീ​ട്ടി​ലെ ക്രി​സ്മ​സ് ട്രീയു​ടെ അ​ടി​യി​ലേ​ക്കാ​യി​രു​ന്നു. സം​ഭ​വം ക​ണ്ട ബ​ന്ധു​ക്ക​ൾ കാ​ര്യം അ​ന്വേ​ഷി​ച്ച​പ്പോ​ൾ അ​ദ്ദേ​ഹം ന​ട​ന്ന​ത് പ​റ​ഞ്ഞു. മാ​ത്ര​മ​ല്ല ഇ​നി​യൊ​രി​ക്ക​ലും ഈ ​സ​മ്മാ​നം ഞാ​ൻ തു​റ​ന്നു നോ​ക്കി​ല്ലെ​ന്ന് അ​ദ്ദേ​ഹം ശ​പ​ഥ​വും ചെ​യ്തു.

പിന്നീട് മുന്‍ കാമുകിയെ കണ്ടെങ്കിലും ഇരുവരും മാനസികമായി ഏറെ അകന്നിരുന്നു, ആ ​സ​മ്മാ​നം ഹെ​ൻ​ഡ്രി​യു​ടെ വീ​ട്ടി​ലെ ക്രി​സ്മ​സ് ട്രി​യു​ടെ അ​ടി​യി​ൽ ഭ​ദ്ര​മാ​യി കി​ട​ന്നി​രു​ന്നു. കു​റ​ച്ചു കാ​ല​ത്തി​നു ശേ​ഷം അ​ദ്ദേ​ഹം വി​വാ​ഹി​ത​നാ​യി കു​ട്ടി​ക​ളു​മു​ണ്ടാ​യി.​ഒ​രി​ക്ക​ലും തു​റ​ക്കാ​തെ സൂ​ക്ഷി​ച്ചി​രി​ക്കു​ന്ന സ​മ്മാ​നം ക​ണ്ട കു​ട്ടി​ക​ൾ അ​ത് തു​റ​ന്നു പ​രി​ശോ​ധി​ക്കാ​മെ​ന്ന് ആ​കാം​ക്ഷ​യോ​ടെ അ​ദ്ദേ​ഹ​ത്തോ​ട് ആ​വ​ശ്യ​പ്പെ​ടു​മാ​യി​രു​ന്നു.

എ​ന്നാ​ൽ വേ​ണ്ട എ​ന്ന മ​റു​പ​ടി​യാ​ണ് അ​ദ്ദേ​ഹ​ത്തി​ൽ നി​ന്നു​ണ്ടാ​യ​ത്. സം​ഭ​വം ചോ​ദി​ച്ച​റി​ഞ്ഞ ഭാ​ര്യ പി​ണ​ക്ക​മൊ​ന്നും കൂ​ടാ​തെ ഈ ​സ​മ്മാ​നം ക്രി​സ്മ​സ് ട്രീയു​ടെ അ​ടി​യി​ൽ നി​ന്നും മാ​റ്റാ​ൻ ആ​വ​ശ്യ​പ്പെ​ട്ട​പ്പോ​ൾ അ​ദ്ദേ​ഹം അ​ത് അ​വി​ടെ നി​ന്നും എ​ടു​ത്ത് മ​റ്റൊ​രി​ട​ത്ത് സൂ​ക്ഷി​ച്ചുവച്ചു. മാ​ത്ര​മ​ല്ല എ​ല്ലാ​വ​ർ​ഷ​വും ഇ​തെ​ടു​ത്ത് പ​രി​ശോ​ധി​ക്കു​ക​യും ചെ​യ്യു​മാ​യി​രു​ന്നു.

എന്നാൽ പഴയ പ്രണയത്തിന്റെ ഒരു നുള്ള് ബാക്കി മനസ്സിൽ മായാതെ കിടന്നതുകൊണ്ടാകണം കു​റേ നാ​ളു​ക​ൾ​ക്കു ശേ​ഷം വി​ക്കി​യെ വി​ളി​ക്ക​ണ​മെ​ന്ന് അ​ദ്ദേ​ഹ​ത്തി​ന് ആ​ഗ്ര​ഹം തോ​ന്നി. എ​ന്നാ​ൽഅത് നടന്നില്ല. അ​തു​കൊ​ണ്ട് ആ ​ആ​ഗ്ര​ഹം സാ​ധി​ക്കാ​ൻ അ​ദ്ദേ​ഹ​ത്തി​നാ​യി​ല്ല. നാ​ളു​ക​ൾ ക​ഴി​യും തോ​റും സ​മ്മാ​ന​ത്തി​നു​ള്ളി​ലെ​ന്ത​ന്ന ചി​ന്ത അ​ദ്ദേ​ഹ​ത്തി​ൽ ക​ല​ശ​ലാ​യി വ​ള​ർ​ന്നു. അ​വ​സാ​നം ഇ​ത് തു​റ​ന്നു പ​രി​ശോ​ധി​ക്കാ​ൻ തീ​രു​മാ​നി​ച്ച അ​ദ്ദേ​ഹം സ​മ്മാ​നം ല​ഭി​ച്ച​തി​ന്‍റെ അ​ന്‍പതാം വാ​ർ​ഷി​ക ദിനത്തിൽ ഇ​ത് തു​റ​ന്നു പ​രി​ശോ​ധി​ക്കാ​മെ​ന്ന തീ​രു​മാ​ന​ത്തി​ലെ​ത്തി നി​ൽ​ക്കു​ക​യാ​ണ്.​