വാർത്ത വായനക്കിടെ അവതാരകനും അവതാരികയും തമ്മിൽ പൊരിഞ്ഞ വഴക്ക്. തർക്കം മൂത്തപ്പോൾ ഇരുവരെയും സമാധാനിപ്പിച്ചത് അണിയറപ്രവർത്തകരാണ്. പാക്ക് ചാനലായ സിറ്റി 42വിലെ അവതാരകര്‍ തമ്മിലായിരുന്നു വാക്കേറ്റം. എന്തായാലും വഴക്കിന്റെ ദൃശ്യങ്ങൾ വൈറലായിക്കൊണ്ടിരിക്കുകയാണ്. ദൃശ്യങ്ങൾ പുറത്തുവിട്ടത് ആരാണെന്ന് വ്യക്തമല്ല.

വാര്‍ത്തകള്‍ക്കിടയിലെ ഇടവേളകളിലൊന്നിലായിരുന്നു തർക്കം. ഉറുദുവിലാണ് ഇരുവരും തമ്മില്‍ വഴക്കടിച്ചത്. പിന്നീട് പരാതിയായ പ്രൊഡക്ഷന്‍ കണ്‍ട്രോള്‍ റൂമിനോട് പരാതിപ്പെടുന്നതും മുതലാണ് ദൃശ്യം തുടങ്ങുന്നത്. താന്‍ എങ്ങിനെയാണ് ഇവര്‍ക്കൊപ്പം വാര്‍ത്ത വായിക്കുന്നത് എന്ന് പരാതിപ്പെടുന്നതും അവതാരകന്റെ സംസാര രീതിയെ ചോദ്യം ചെയ്യുന്ന മറുപടിയുമൊക്കെ ദൃശ്യങ്ങളിൽ കാണാം.ബഹുമാനത്തോടെ വേണം സംസാരിക്കാന്‍ എന്നും അവതാരിക ആവശ്യപ്പെടുന്നുണ്ട്. പിന്നീട് അതില്‍ പിടിച്ച് കയറി ഇരുവരും തമ്മില്‍ വഴക്കിടുന്നതും ദൃശ്യങ്ങളിൽ കാണാൻ കഴിയും.