ബര്ക്കയില് കടല്വെള്ളത്തിന് ചുവപ്പ് നിറം വരാനുള്ള കാരണം കേട്ടാല് ഞെട്ടും
ബര്ക്കയില് കടല്വെള്ളം ചുവപ്പു നിറമാകുന്നത് കണ്ടെത്തിയ സംഭവം കുടിവെള്ള വിതരണത്തെ ബാധിച്ചേക്കുമെന്ന് റിപ്പോര്ട്ട്. ഇത് സംബന്ധിച്ച് കാര്യങ്ങള് നിരീക്ഷിച്ചു വരുകയാണെന്നും, മസ്കറ്റ് സീബ്, ദാഖിലിയ തുടങ്ങിയ മേഖലകളില് ഉള്ളവര് ജല ഉപഭോഗത്തില് മിതത്വം പാലിക്കണമെന്നും വൈദ്യുതി ജല പൊതു അതോറിറ്റി അറിയിച്ചു.
'റെഡ് ടൈഡ്' എന്നാണ് ഈ പ്രതിഭാസം ശാസ്ത്രീയമായി അറിയപ്പെടുന്നത്. കുടിവെള്ള ഉല്പാദനത്തെ 'റെഡ് ടൈഡ്' ബാധിക്കുമെന്നതിനാല് പരമാവധി ഉല്പാദനം ഉറപ്പാക്കാന് കുടിവെള്ള കമ്പനികള് ശ്രമിക്കുന്നുതായും റിപ്പോര്ട്ടുകള് ഉണ്ട്. സൂക്ഷ്മ ജീവികളുടെ വിഭാഗത്തില്പെടുന്ന പ്ലവകങ്ങളുടെ എണ്ണം കടല്ജലത്തില് അതിവേഗം പെരുകുന്നതാണ് കടല് ഇത്തരത്തില് ചുവക്കാന് കാരണമാകുന്നത്. ഈ പ്രതിഭാസത്തിന്റെ ഫലമായി കടല് ജലത്തില് ഓക്സിജന്റെ അളവ് കുറയുകയും ചെയ്യും.
പ്ലവകങ്ങളുടെ എണ്ണം താരതമ്യേന കുറവുള്ള സമയത്താണ് കൂടുതല് ഉല്പാദനം. സുരക്ഷിതമായ പ്രവര്ത്തനം ഉറപ്പാക്കാന് കടല്ജലം പതിവായുള്ള ഇടവേളകളില് പരിശോധന നടത്തുന്നുണ്ട്. സീബ് അല്വുസ്ത അടക്കം ഭാഗങ്ങളില് ജലവിതരണം തടസ്സപ്പെടുകയോ കുറയുകയോ ചെയ്തിട്ടില്ലെന്നും യോഗം വിലയിരുത്തി. ജല വിതരണത്തെ 'റെഡ് ടൈഡ്' ബാധിക്കാതിരിക്കാന് പരമാവധി നടപടികള് എടുക്കണമെന്നും യോഗം നിര്ദേശിച്ചു. ഈ വിഷയത്തില് ഇതുവരെ കൈക്കൊണ്ട നടപടികളെയും കമ്മിറ്റി പ്രശംസിച്ചു.
കേരളത്തിലെ മത്സ്യത്തൊഴിലാളികള് 'ചെന്നീര്' എന്നാണ് ഈ പ്രതിഭാസത്തെ വിളിക്കുന്നത്. സൂക്ഷ്മ ജീവികളുടെ വിഭാഗത്തില്പെടുന്ന പ്ലവകങ്ങളുടെ എണ്ണം കടല്ജലത്തില് അതിവേഗം പെരുകുന്നതാണ് കടല് ചുവക്കാന് കാരണം. ഈ പ്രതിഭാസത്തിന്റെഫലമായി കടല് ജലത്തില് ഓക്സിജന്റെ അളവ് കുറയാറുണ്ട്. സ്വാഭാവിക വിഷപദാര്ഥങ്ങളുടെ ഉല്പാദനത്തിനും 'ചെന്നീര്' കാരണമാകാറുണ്ട്.
https://www.facebook.com/Malayalivartha
