ജനിച്ചപ്പോള്‍ വേര്‍പിരിയേണ്ടി വന്ന ഇരട്ട സഹോദരിമാര്‍ 33 വര്‍ഷങ്ങള്‍ക്ക് ശേഷം കണ്ടുമുട്ടി. ഉത്തരകൊറിയയിലാണ് സംഭവം. അമാണ്ട ഡന്‍ഫോര്‍ഡ്, കേറ്റി ബെനറ്റ് എന്നീ യുവതികളാണ് ജനനത്തോടെ വേര്‍ പിരിഞ്ഞത്. മാതാപിതാക്കള്‍ ഇവരെ ഓര്‍ഫനേജ് വരാന്തയില്‍ ഉപേക്ഷിച്ച തായിരുന്നു. ഇവരെ അമേരിക്കയുടെ രണ്ടു ഭാഗങ്ങളിലുള്ള മാതാപിതാക്കള്‍ ദത്തെടുക്കുകയായിരുന്നു. 

വളര്‍ന്നു വരുമ്പോള്‍ തന്നെ ഒരുള്‍ വിളിപോലെ തനിക്ക് ഇരട്ട സഹോദരിയുണ്ടെന്ന തോന്നല്‍ ബെനറ്റിനുണ്ടായിരുന്നു. ബെനറ്റിന്റെ മാതാപിതാക്കള്‍ ഈകാര്യം അന്വേഷിച്ച് ഓര്‍ഫനേജിലെത്തിയിരുന്നെങ്കിലും ദത്തെടുത്തെന്നായിരുന്നു അറിയാന്‍ കഴിഞ്ഞത്.

23 ആന്റ് മീ എന്ന സ്ഥാപനത്തില്‍ തന്റെ ഡിഎന്‍എ വിവരങ്ങള്‍ 2013ല്‍ ഡന്‍ഫോര്‍ഡ് നല്‍കി. കഴിഞ്ഞ കൊല്ലം അപ്രതീക്ഷിതമായി ബെനറ്റും ഇവിടെ ഡിഎന്‍എ നല്‍കിയതോടെ രണ്ടു പേരുടെയും ഒന്നാണെന്ന് അധികൃതര്‍ കണ്ടെത്തുകയായിരുന്നു. തനിക്കൊരു സഹോദരി ഉണ്ടാകുമെന്ന് ബെനറ്റ് പക്ഷേ കരുതിയിരുന്നില്ല.

ഡിഎന്‍എ 100% യോജിക്കുന്നെന്ന് മനസ്സിലായതോടെ ഇരുവരും ഞെട്ടി. അങ്ങനെ 33 വര്‍ഷങ്ങള്‍ക്ക് ശേഷം കൂടപ്പിറപ്പുകള്‍ കണ്ടുമുട്ടി. പക്ഷേ ഇരുവരുടെയും ജനന തീയതി വ്യത്യസ്തമായാണ് അടയാളപ്പെടുത്തിയിരിക്കുന്നത്. ബെനറ്റിന്റേത് 1983 ഡിസംബര്‍ 25എന്നും ഡന്‍ഫോര്‍ഡിന്റേത് 1986 ജനുവരി 13 എന്നും.