പൊതുസ്ഥലങ്ങളില് ഇനിമുതല് മുഖം മറയുന്ന വസ്ത്രം ധരിച്ച് ഇറങ്ങിയാല് 8000 രൂപ പിഴ ഈടാക്കും; നിരോധനം നിലവില് വരുന്നത് ആഗസ്റ്റ് ഒന്ന് മുതല്
മുഖം മറയുന്ന തരത്തിലുള്ള നിഖാബ്, ബുര്ഖ ഉള്പ്പെടെ വസ്ത്രങ്ങള്ക്ക് വിലക്കേര്പ്പെടുത്തിയിരിക്കുകയാണ് ഡെന്മാര്ക്ക് ഗവണ്മെന്റ്. നിരോധനം ആഗസ്റ്റ് ഒന്നുമുതല് പ്രാബല്യത്തില് വരും. ആഗസ്റ്റ് ഒന്ന് മുതല് പൊതുസ്ഥലങ്ങളില് മുഖം മറയ്ക്കുന്ന വസ്ത്രങ്ങള് ധരിച്ച് ഇറങ്ങിയാല് 1000 ക്രോണര് (8270 രൂപ) ആണ് പിഴ. ഓസ്ട്രിയ, ഫ്രാന്സ്, ബെല്ജിയം എന്നീ രാജ്യങ്ങളില് നേരത്തെ വിലക്ക് നിലവിലുണ്ട്. സ്ത്രീകളുടെ തലമറയ്ക്കുന്ന വസ്ത്രങ്ങള്, തലപ്പാവ്, ജൂതര് ഉപയോഗിക്കുന്ന തൊപ്പി തുടങ്ങിയവക്ക് വിലക്ക് ബാധകമല്ല. പുതിയ നിയമത്തെ മതപരമായ വ്യാഖ്യാനിക്കരുതെന്ന് ഡെന്മാര്ക് സര്ക്കാര് പറഞ്ഞു.
നിയമം പാസായത് 30നെതിരെ 75 വോട്ടുകളുടെ പിന്ബലത്തിലാണ്. 74 പ്രതിനിധികള് വിട്ടുനിന്നു. സ്ത്രീകള്ക്ക് വ്യക്തിത്വവും വിശ്വാസവും ആവശ്യപ്പെടുന്നത് ധരിക്കാന് അവകാശമുണ്ടെന്നും ഭരണകൂടങ്ങള് അത് അനുവദിക്കണമെന്നും വിലക്കിനെ കുറിച്ച് പ്രതികരിച്ച ആംനസ്റ്റി ഇന്റര്നാഷനല് യൂറോപ് മേധാവി ഗൗരി വാന് ഗുലിക് പറഞ്ഞു.
https://www.facebook.com/Malayalivartha