സ്‌റ്റെര്‍ലൈറ്റ് കോപ്പര്‍ കമ്പനിക്കെതിരെ തമിഴ്‌നാട്ടിലെ തൂത്തുക്കുടിയില്‍ സമരം നടത്തിയ പ്രക്ഷോഭകരെ വെടിവച്ചുകൊന്ന സംഭവത്തെ ഐക്യരാഷ്ട്രസഭാ മനുഷ്യാവകാശ വിഭാഗം അപലപിച്ചു.

സംഭവത്തില്‍ സ്വതന്ത്രമായ അന്വേഷണം നടത്തി ആക്രമണം നടത്തിയവരെ നിയമത്തിന് മുന്നില്‍ കൊണ്ടുവരണമെന്ന് മനുഷ്യാവകാശവിഭാഗം വര്‍ക്കിങ് ഗ്രൂപ്പ് ചെയര്‍പേഴ്‌സണ്‍ അനിത രാമശാസ്ത്രി പറഞ്ഞു. സര്‍ക്കാര്‍ ജനങ്ങളുടെ ജീവനും അഭിപ്രായസ്വാതന്ത്ര്യവും ഒത്തുചേരാനുള്ള അവകാശവും ഹനിക്കരുതെന്നും അവര്‍ പറഞ്ഞു.