യാത്രക്കാരന്റെ ദുര്ഗന്ധം കാരണം ഉണ്ടാക്കിയ പൊല്ലാപ്പ്
ഈയൊരു യാത്ര ഇത്രയും ഭികരമാമെന്ന് യാത്രക്കാര് ആരും വിചാരിച്ചില്ല. യാത്രക്കാരന്റെ ദുര്ഗന്ധം കാരണം സഹയാത്രികര് ഛര്ദ്ദിക്കുകയും ബോധം കെട്ടു വീഴുകയും ചെയ്തതിനെ തുടര്ന്ന് വിമാനം അടിയന്തരമായി നിലത്തിറക്കി. ഹോളണ്ടിലെ ഷിഫോല് വിമാനത്താവളത്തില് നിന്നും സ്പെയിനിലെ ഗ്രാന് കനേറിയയിലേക്ക് പോയ ട്രാന്സാവിയ വിമാനമാണ് നിലത്തിറക്കിയത്.
ദക്ഷിണ പോര്ച്ചുഗലിലെ ഫാരോയിലാണ് വിമാനം നിലത്തിറക്കിയത്. യാത്രക്കാരന് കുളിച്ചിട്ട് ആഴ്ചകളായെന്ന് ഇയാളെ പരിശോധിച്ച മെഡിക്കല് ടീം പറഞ്ഞു. ഇയാളെ പിന്നീട് മെഡിക്കല് ടീമിന്റെ നേതൃത്വത്തില് വൃത്തിയാക്കി. ദുര്ഗന്ധം പരത്തിയ യാത്രക്കാരന്റെ പേരുവിവരങ്ങള് പുറത്തുവിട്ടിട്ടില്ല.
ഈ വര്ഷം ഫെബ്രുവരിയിലും ട്രാന്സാവിയ വിമാനത്തില് സമാനമായ സംഭവം നടന്നിരുന്നു. ദുബായിയില് നിന്നും ആംസ്റ്റര്ഡാമിലേക്ക് പോയ വിമാനം യാത്രക്കാരന്റെ ദുര്ഗന്ധം കാരണം അന്ന് ഓസ്ട്രിയന് തലസ്ഥാനമായ വിയന്നയില് ഇറക്കിയിരുന്നു.
https://www.facebook.com/Malayalivartha