അമേരിക്കന് ഫാഷന് ഡിസൈനര് കേറ്റ് സ്പേഡ് ജീവനൊടുക്കി; ന്യുയോര്ക്കിലെ പപാര്ക്ക് അവന്യൂ അപ്പാര്ട്ട്മെന്റില് ചൊവ്വാഴ്ചയായിരുന്നു ഇവരെ മരിച്ച നിലയില് കണ്ടെത്തിയത്
ഫാഷന് ലോകത്തെ പ്രമുഖരില് ഒരാളായ ഡിസൈനര് കേറ്റ് സ്പേഡ് ആത്മഹത്യ ചെയ്തു 55 വയസായൊരുക്കി ന്യുയോര്ക്കിലെ പാര്ക്ക് അവന്യൂ അപ്പാര്ട്ട്മെന്റില് ചൊവ്വാഴ്ചയായിരുന്നു ഇവരെ മരിച്ച നിലയില് കണ്ടെത്തിയത്. സ്പേഡ് ജീവനൊടുക്കിയതാണെന്നു പോലീസ് സ്ഥിരീകരിച്ചെങ്കിലും മരണത്തിന്റെ കാരണം സംബന്ധിച്ചു പോലീസിനു വ്യക്തത ലഭിച്ചിട്ടില്ല.
മാധ്യമപ്രവര്ത്തകയായാണ് സ്പേഡ് കരിയര് ആരംഭിച്ചത്. 1993ല് ഇവര് ഭര്ത്താവ് ആന്ഡിക്കൊപ്പം കേറ്റ് സ്പേഡ് എന്ന സ്വന്തം ഫാഷന് ബ്രാന്ഡ് ആരംഭിച്ചു. കടും നിറങ്ങളും വ്യത്യസ്ത പ്രിന്റ് ഡിസൈനുകളുമാണ് അവര്ക്ക് ഫാഷന് ലോകത്ത് ഇടംനല്കിയത്. പത്തു വര്ഷത്തിനുശേഷം അവര് സ്വന്തം ബ്രാന്ഡിലെ മുഴുവന് ഓഹരികളും വിറ്റുതീര്ത്തു. ഇതിനുശേഷം കേറ്റ് സ്പേഡ് കന്പനിയുമായി സ്പേഡിനു നേരിട്ടു ബന്ധമുണ്ടായിരുന്നില്ല. എന്നാല് ആ പേരിലാണ് കന്പനി പ്രവര്ത്തിച്ചിരുന്നത്. അടുത്തിടെ സ്പേഡ് ഫ്രാന്സെസ് വാലന്റൈന് എന്ന പേരില് സ്വന്തം ഫാഷന് ബ്രാന്ഡ് ആരംഭിച്ചിരുന്നു.
https://www.facebook.com/Malayalivartha
