അമേരിക്ക: വാഷിങ്ടണിൽ പതിനെട്ടുകാരൻ തന്റെ സുഹൃത്തിന്റെ അമ്മയെ വീട്ടില്‍ക്കയറി പീഡിപ്പിക്കാൻ ശ്രമിച്ചതായി പരാതി. ഇതേത്തുടർന്ന് പോലീസ് ഇയാളെ അറസ്റ്റു ചെയ്ത ശേഷം ജാമ്യത്തിൽ വിട്ടു.

തിങ്കളാഴ്ച രാത്രിയിൽ ഏതാണ്ട് 8.30 നാണ് പരാതിക്കാരിയായ സ്ത്രീയുടെ മകന്റെ സുഹൃത്ത് വീട്ടിലെത്തുന്നത്. സുഹൃത്തിന്റെ വരവില്‍ ആദ്യമേ സംശയം തോന്നിയ സ്ത്രീ ഉടന്‍ തന്നെ വീട്ടിലെ മുഴുവന്‍ മദ്യക്കുപ്പികളും സ്വന്തം മുറിയിലാക്കി മുറി അകത്ത് നിന്ന് പൂട്ടി അതിനുള്ളില്‍ കിടന്നു. എന്നാല്‍ പുലര്‍ച്ചെ 2.30 ഓടെ 18 കാരനായ ജോര്‍ദന്‍ കോര്‍ട്ടര്‍ മുറിയുടെ വാതിലില്‍ വന്ന് മുട്ടുകയായിരുന്നു.

സ്ത്രീ വാതില്‍ തുറന്നതും അകത്തു കടന്ന കോര്‍ട്ടര്‍ ദേഹോപദ്രവം ഏല്‍പിക്കുകയും ലൈംഗികമായി അക്രമിക്കുകയുമായിരുന്നു. ആക്രമണത്തില്‍ സ്ത്രീയുടെ കണ്ണിന് സാരമായ പരിക്കേറ്റു. കോര്‍ട്ടറുടെ ഉപദ്രവത്തില്‍ നിന്ന് പിന്‍മാറാത്തതിനെത്തുടര്‍ന്ന് സ്ത്രീ സ്വയരക്ഷയ്ക്കായി കരുതിയിരുന്ന തോക്കെടുത്ത് കോര്‍ട്ടന്റെ നേര്‍ക്ക് ചൂണ്ടി. തുടര്‍ന്നാണ് യുവാവ് കൃത്യത്തിൽ നിന്നും പിന്‍മാറിയത്.