പൊതു തെരഞ്ഞെടുപ്പില് നാമനിര്ദ്ദേശ പത്രിക സമര്പ്പിക്കാന് പര്വേസ് മുഷറഫിന് സുപ്രീംകോടതി അനുമതി
പാകിസ്ഥാനിൽ ജൂലൈ 25 ന് നടക്കുന്ന പൊതു തെരഞ്ഞെടുപ്പില് നാമനിര്ദ്ദേശ പത്രിക സമര്പ്പിക്കാന് മുന് പ്രസിഡന്റ് പര്വേസ് മുഷറഫിന് ഉപാധികളൊടെ സുപ്രീംകോടതി അനുമതി നല്കിയാതായി റിപ്പോർട്ടുകൾ.
ഇപ്പോള് ദുബായില് കഴിയുന്ന മുഷറഫിന് തെരഞ്ഞെടുപ്പില് മത്സരിക്കുന്നതിന് ആജീവനാന്ത വിലക്ക് നിലനില്ക്കെയാണ് കോടതിയുടെ ഇത്തരത്തിലൊരു അനുമതി. ഇതോടെ ജൂണ് 13 ന് കോടതിയില് ഹാജരാകുന്നതിനായി അദ്ദേഹം എത്തും.
അതേസമയം ലാഹോറില് എത്തുന്നതിന് മുന്പ് ഇദ്ദേഹത്തെ അറസ്റ്റ് ചെയ്യരുതെന്നും ചീഫ് ജസ്റ്റീസ് അധ്യക്ഷനായ മൂന്നംഗ ബെഞ്ച് സര്ക്കാരിനോട് നിര്ദ്ദേശിച്ചിട്ടുണ്ട്. 2016 മുതല് മുഷറഫ് ദുബായില് സ്ഥിരതാമസമാക്കിയിരുന്നു.
നവാസ് ഷെരീഫ് പ്രധാനമന്ത്രിയായിരിക്കെ ഒരു പട്ടാള അട്ടമറിയിലൂടെയാണ് ഭരണത്തില് എത്തിയത്. 1999 മുതല് 2008 വരെയായിരുന്നു മുഷ്റഫിന്റെ ഭരണകാലം.
മുംബൈ ഭീകരാക്രമണത്തിന്റെ പ്രധാന സൂത്രധാരനും, ആഗോള ഭീകരനുമായ ഹഫീസ് സയ്ദും പാകിസ്ഥാനിൽ പൊതു തെരഞ്ഞെടുപ്പിൽ മത്സരിക്കാൻ തയ്യാറെടുക്കുന്നതായും റിപ്പോർട്ടുകളുണ്ട്.
https://www.facebook.com/Malayalivartha