കുമ്പസാര രഹസ്യങ്ങള് വൈദീകര് ഇനി പോലീസിനെ അറിയിക്കണം ;ഒസ്ട്രേലിയന് നിയമത്തിനെതിരെ പ്രതിഷേധമുയര്ത്തി വിശ്വാസികള്
കുമ്പസാര രഹസ്യങ്ങള് ഇനിമുതല് പോലീസിനെ അറിയിക്കണമെന്ന ഒസ്ട്രേലിയന് നിയമത്തിനെതിരെ പ്രതിഷേധമുയര്ത്തി വിശ്വാസികള്. കുട്ടികള്ക്ക് നേരെയുള്ള ലൈംഗികാതിക്രമങ്ങള് തടയുക എന്ന ലക്ഷ്യത്തോടെയാണ് സര്ക്കാര് പുതിയ നിയമം കൊണ്ടുവന്നത്.
ലൈംഗിക അതിക്രമങ്ങളെക്കുറിച്ച് കുമ്പസാരത്തിലൂടെ അറിവ് ലഭിക്കുന്ന വൈദികര് പോലീസില് വിവരം അറിയിക്കണമെന്നാണ് പുതിയ നിയമം. വിവരം പോലീസിനെ അറിയിച്ചില്ലെങ്കില് 10000 ഡോളര് വരെ വൈദീകര് പിഴയടക്കേണ്ടി വരും.
വൈദികരുടെ നിര്ബന്ധിത ബ്രഹ്മചര്യവും, കുമ്പസാര രഹസ്യങ്ങള് പുറത്തുപറയാന് പാടില്ല എന്ന വ്യവസ്ഥകളും മാറ്റണമെന്ന് കമ്മീഷന്റെ പ്രധാന നിര്ദ്ദേശമുണ്ട്. എന്നാല് ഇത്തരമൊരു നിയമം കൊണ്ടുവരുന്നതിനെതിരെ വിശ്വാസികള് രംഗത്തു വന്നു. ഇത് ക്രിസ്തുമതത്തിന്റെ നിയമങ്ങള്ക്കെതിരാണെന്ന വാദവുമായിട്ടാണ് വൈദികരും വിശ്വാസികളും രംഗത്തെത്തിയിരിക്കുന്നത്.
https://www.facebook.com/Malayalivartha
