പഴയ സാധനങ്ങള് ഒഴിവാക്കാനുള്ള അവസരമായി ദുരിതാശ്വാസ ക്യാമ്പുകൾ ; മുപ്പത് വർഷം പഴക്കമുള്ള ബ്രഷിനു വില 2.50 രൂപ
പഴയ സാധനങ്ങള് ഒഴിവാക്കാനുള്ള അവസരമായി ദുരിതാശ്വാസ ക്യാമ്പുകളെ കാണുന്നതായി ആക്ഷേപം. ആലപ്പുഴ അര്ത്തുങ്കല് സെന്റ് ഫ്രാന്സിസ് അസീസി ഹയര്സെക്കന്ഡറി സ്കൂളിലെ ദുരിതാശ്വാസ ക്യാമ്പില് കഴിഞ്ഞ ദിവസം ലഭിച്ച സാധനങ്ങളുടെ കൂട്ടത്തില് 30 വര്ഷം പഴക്കമുള്ള ടൂത്ത് ബ്രഷും. 1988 മെയ് മാസം നിര്മിച്ച ഈ ടൂത്ത് ബ്രഷിന്റെ വിലയായി രേഖപ്പെടുത്തിയിരിക്കുന്നത് 2.50 രൂപയാണ്.
പഴയ സാധനങ്ങള് ഒഴിവാക്കാനുള്ള അവസരമായി ദുരിതാശ്വാസ പ്രവര്ത്തനങ്ങളെ കാണരുതെന്നും പുതിയ സാധനങ്ങള് മാത്രമേ സംഭാവന ചെയ്യാവൂ എന്നും അധികൃതര് നിരവധി തവണ ആവശ്യപ്പെട്ടിരുന്നു. എന്നാല് ഉപയോഗ്യ ശൂന്യമായ വസ്തുക്കളും മുഷിഞ്ഞ വസ്ത്രങ്ങളും തുടങ്ങിയ വസ്തുക്കൾ നിരവധി പേര് ക്യാമ്പിലേക്ക് എത്തിക്കുന്നു. ഇത് സന്നദ്ധപ്രവര്ത്തകര്ക്കും തലവേദനയായി മാറിയിരിക്കുകയാണ്. അതേസമയം പലയിടങ്ങളിലും ഇത്തരം സാധനങ്ങള് കുന്നുകൂടി കിടക്കുന്നതായും റിപ്പോര്ട്ടുകളുണ്ട്.
https://www.facebook.com/Malayalivartha
