ഇന്ത്യയില്‍ ഡീസല്‍ വിലയില്‍ റെക്കോര്‍ഡ്. പെട്രോളിനും വന്‍വിലക്കയറ്റം. 85.47 രൂപയാണ് ഒരു ലിറ്റര്‍ പെട്രോളിന് മുംബൈയില്‍ വില. ഡീസലിന് 73.90 രൂപയും. ദല്‍ഹിയില്‍ ഡീസലിന് 69.61, കേരളത്തില്‍ 72.46, ചെന്നൈയില്‍ 73.54 എന്നിങ്ങനെയാണ് വില. 

പെട്രോളിന് 78.05 രൂപയാണ് ദല്‍ഹിയിലെ വില. കേരളത്തില്‍ 80.98 രൂപയും ചെന്നൈയില്‍ 81.9 രൂപയും. ഇന്ത്യന്‍ ഓയില്‍ അധികൃതര്‍ നല്‍കുന്ന വിവരമനുസരിച്ച് 19.48 രൂപ എക്‌സൈസ് ഡ്യൂട്ടിയും വാറ്റ് 16.56 രൂപയും ഡീലര്‍ കമ്മീഷന്‍ 3.61 രൂപയുമാണ് ഈടാക്കുന്നത്. ഇപ്പോള്‍ ഈടാക്കുന്നതിന്റെ പകുതി വില പോലും ഇന്ധനങ്ങള്‍ക്ക് യഥാര്‍ത്ഥ വിലയില്ല. നാല്‍പത് രൂപക്കടുത്താണ് യഥാര്‍ത്ഥ ഇന്ധനവില. വന്‍ നികുതികള്‍ ചേര്‍ത്താണ് വില ഇരട്ടിയിലധികമായത്.