ആത്മീയത മുതലെടുത്ത് മൃഗീയ ലൈംഗിക ചൂഷണത്തില് മുട്ടനാടുകള് സായൂജ്യമടയുമ്പോള് വെട്ടിലാകുന്നത് പാവം കുഞ്ഞാടുകള്... ബിഷപ്പിന്റേത് ആത്മീയതയുടെ മറവിലുള്ള ലൈംഗിക ചൂഷണമെന്ന് റിമാന്റ് റിപ്പോര്ട്ട്; എല്ലാം ഉപേഷിച്ച് സന്യാസ ജീവിതം സ്വീകരിച്ച കന്യാസ്ത്രീകളെ ചതിക്കുന്നവര് അതേ സന്യാസ ജീവിതം തെരഞ്ഞെടുത്ത ആട്ടിന്തോലിട്ട ചെന്നായ്ക്കള്
ബിഷപ്പ് ഫ്രാങ്കോ മുളയ്ക്കല് അറസ്റ്റിലായതോടെ പുറത്താകുന്നത് ഞെട്ടിക്കുന്ന വിവരങ്ങളാണ്. പോലീസിന്റെ റിമാന്റ് റിപ്പോര്ട്ടില് ഞെട്ടിക്കുന്ന വിവരങ്ങളാണുള്ളത്. കാലാകാലങ്ങളായി വേദനയനുഭവിച്ച് പുറത്ത് പറയാനാകാതെ സന്യാസ ജീവിതം ഉപേക്ഷിക്കേണ്ടി വന്ന നിരവധി കന്യാസ്ത്രീകളുടെ വേദനകള്ക്കാണ് ഇതിലൂടെ പുറത്താകുന്നത്.
ആത്മീയതയുടെ മറവില് ലൈംഗിക ചൂഷണം നടത്തുകയാണ് ബിഷപ് ഫ്രാങ്കോ മുളയ്ക്കല് ചെയ്തതെന്ന് റിമാന്ഡ് റിപ്പോര്ട്ടില് പറയുന്നത്. കുറവിലങ്ങാട്ടെ നാടുകുന്ന് സെന്റ് ഫ്രാന്സിസ് മിഷന് അതിഥിമന്ദിരത്തില് കന്യാസ്ത്രീ 13 തവണ ബലാത്സംഗത്തിന് ഇരയായതായും റിപ്പോര്ട്ടില് പറയുന്നു. ഗസ്റ്റ് ഹൗസിലെ ഒരേ മുറിയില് 13 തവണ ബലാത്സംഗത്തിനിരയാക്കിയെന്നും പ്രകൃതി വിരുദ്ധ ലൈംഗികബന്ധം നടത്തി ബിഷപ്പ് കാമസംതൃപ്തി വരുത്തിയിരുന്നതായും റിപ്പോര്ട്ടില് പറയുന്നു. ബിഷപ് ഹൗസുകളും പള്ളിമേടകളും ഉണ്ടായിരുന്നിട്ടും യൗവനയുക്തകളായ മൂന്നു കന്യാസ്ത്രീകള് മാത്രം താമസിക്കുന്ന, പരിമിതമായ സൗകര്യങ്ങള് മാത്രമുള്ള ആള്വാസം കുറഞ്ഞ് ഒറ്റപ്പെട്ട റബര് തോട്ടത്തിനു നടുവിലെ കന്യാസ്ത്രീ മഠത്തില് ബിഷപ് വന്നു താമസിച്ചതു ബോധപൂര്വമാണെന്നും 10 പേജുള്ള റിമാന്ഡ് റിപ്പോര്ട്ടില് പറയുന്നു. ബിഷപ് ജലന്തര് രൂപതാധ്യക്ഷനായി ചുമതലയേറ്റശേഷം എല്ലാമാസവും മൂന്നാമത്തെ വെള്ളിയാഴ്ച വൈകിട്ട് കന്യാസ്ത്രീകള്ക്കായി 'ഇടയനൊപ്പം ഒരുദിനം' എന്നപേരില് കന്യാസ്ത്രീകള്ക്കായി പ്രാര്ഥനാപരിപാടി നടത്തിയിരുന്നു.
2014 ജൂണ് 20ന് ആരംഭിച്ച പ്രാര്ഥനാപരിപാടിയില് രാത്രി ഒമ്പതു മുതല് 10 വരെ കന്യാസ്ത്രീകള്ക്ക് ഒറ്റയ്ക്കു ബിഷപ്പിന്റെ മുറിയില് സ്വകാര്യ സങ്കടങ്ങള് വെളിപ്പെടുത്താന് അവസരം നല്കിയിരുന്നു. എന്നാല് ഈ സമയം പദവിക്കുചേരാത്ത തരത്തിലുള്ള ദുരുദേശപരമായ പ്രവൃത്തികളാണു ബിഷപ്പില് നിന്നുണ്ടായത്. ബിഷപ്പിന്റെ പെരുമാറ്റരീതിയെത്തുടര്ന്നു കന്യാസ്ത്രീകള് വിമുഖത കാട്ടിതതോടെ2015 നവംബര് പത്തിനു പ്രാര്ഥനാരീതി നിലച്ചുുവെന്നും റിപ്പോര്ട്ടില് പറയുന്നു.ബിഷപ്പിന്റെ ലൈംഗിക ശേഷി പരിശോധിക്കണമെന്നും ഉമിനീര്, ഡി.എന്.എ. സാമ്പിള് എന്നിവ പരിശോധിക്കണമെന്നും റിപ്പോര്ട്ടില് പറയുന്നു. പ്രതി ആരോപണ കാലയളവില് ഉപയോഗിച്ചിരുന്ന വസ്ത്രങ്ങള്, ലാപ്ടോപ്പ്, മൊബൈല് ഫോണ് എന്നിവ ഉള്പ്പെടെയുള്ള തെളിവുകള് കണ്ടെടുക്കണം.പ്രതി ഉന്നത സ്വാധീനവും സാമ്പത്തിക ശേഷിയും ആള് ബലവുമുള്ളയാളാണ്. സ്വതന്ത്രനായി നിന്നാല്, ഭീഷണികളും സ്വാധീനവും ഉപയോഗിച്ച് തെളിവുകള് നശിപ്പിച്ച് അന്വേഷണത്തെ അട്ടിമറിയ്ക്കാന് സാധ്യതയുണ്ട്. വിദേശ രാജ്യങ്ങളുമായി അടുത്ത ബന്ധം പുലര്ത്തുന്നതിനാല് രാജ്യം വിടാനുള്ള സാധ്യതയും നിലനില്ക്കുന്നു. പരാതിക്കാരിക്കും ഒപ്പമുള്ള കന്യാസ്ത്രീകള്ക്കും സുരക്ഷാഭീഷണി നിലനില്ക്കുകയാണ്.
ആത്മീയതയുടെ മറവില് ലൈംഗിക ചൂഷണം നടത്തി ജനശ്രദ്ധ ആകര്ഷിച്ച കേസായതിനാല് ജാമ്യം അനുവദിച്ചാല് സമൂഹത്തിനു തെറ്റായ സന്ദേശം നല്കുമെന്നും റിമാന്ഡ് റിപ്പോര്ട്ട് ചൂണ്ടിക്കാട്ടുന്നു.
https://www.facebook.com/Malayalivartha
