ബിഷപ്പ് ഫ്രാങ്കോ മുളയ്ക്കലിനെ അറസ്റ്റ് ചെയ്യണമെന്ന് ആവശ്യപ്പെട്ടു സമരം ചെയ്ത കന്യാസ്ത്രീകളെ പിന്തുണച്ച വയനാട് കാരയ്ക്കാമല മഠത്തിലെ സിസ്റ്റര്‍ ലൂസി കളപ്പുരയ്‌ക്കെതിരെ സഭാനടപടി. പ്രാര്‍ഥന, ആരാധന, കുര്‍ബാന തുടങ്ങിയ ചുമതലകളില്‍ സിസ്റ്റര്‍ ലൂസിക്കു വിലക്കേര്‍പ്പെടുത്തി. കൂടാതെ ഇടവക പ്രവര്‍ത്തനങ്ങളില്‍ നിന്നും പൂര്‍ണ്ണമായി വിട്ടു നില്‍ക്കാനാണ് സഭാ നിര്‍ദ്ദേശമുണ്ട്. സഭാ ചട്ടങ്ങള്‍ ലംഘിച്ചതിനാണു നടപടി.

സമൂഹമാധ്യമങ്ങളില്‍ സഭാവിരുദ്ധ പോസ്റ്റുകളിട്ടു, വായ്പയെടുത്ത് കാറുവാങ്ങി, സഭാ വസ്ത്രം ധരിക്കാതെ പൊതുപരിപാടിയിലെത്തി എന്നീ കുറ്റങ്ങള്‍ ചുമത്തിയാണു നടപടി. മൂന്നു മാസം മുന്‍പു മാനന്തവാടി രൂപത സിസ്റ്റര്‍ ലൂസിക്കെതിരെ നടപടിക്കു ശുപാര്‍ശ ചെയ്തിരുന്നുവെന്ന് എഫ്‌സിസി സന്യാസമൂഹം അധികൃതര്‍ അറിയിച്ചു. എഫ്‌സിസി സന്യാസമൂഹം മദര്‍ സുപ്പീരിയറാണ് നടപടിയെടുത്തത്.

മദര്‍ സുപ്പീരിയറാണ് വിലക്കിന്റെ കാര്യം അറിയിച്ചതെന്നും ഇടവക വികാരിയുടെ നിര്‍ദേശപ്രകാരമാണ് വിലക്കെന്ന് അറിയിച്ചെന്നും സിസ്റ്റര്‍ ലൂസി മാധ്യമങ്ങളോട് പറഞ്ഞു. ജലന്ധറിലെ ബിഷപ്പായിരുന്ന ഫ്രാങ്കോ മുളയ്ക്കലിനെതിരെ നടപടിയെടുക്കുണമെന്ന് ആവശ്യപ്പെട്ടും സഭയില്‍ നടക്കുന്ന പീഡനങ്ങളെക്കുറിച്ചു വെളിപ്പെടുത്തിയും നേരത്തെ സിസ്റ്റര്‍ രംഗത്തെത്തിയിരുന്നു.

കൂടാതെ ഇടവക പ്രവര്‍ത്തനങ്ങളില്‍ നിന്നും പൂര്‍ണ്ണമായി വിട്ടു നില്‍ക്കാനാണ് സഭാ നിര്‍ദ്ദേശമുണ്ട്. സംഭവത്തില്‍ പ്രതികരിക്കാന്‍ സഭാ അധികൃതര്‍ തയ്യാറായിട്ടില്ല.