കന്യാസ്ത്രീയെ പീഡിപ്പിച്ച കേസില്‍ അറസ്റ്റിലായ ഫ്രാങ്കോ മുളയ്ക്കലിനെ നുണപരിശോധനക്ക് വിധേയനാക്കും, അന്വേഷണവുമായി സഹകരിക്കാതെ നിരന്തരം കള്ളം പറയുന്ന ഫ്രാങ്കോയുടെ ഉള്ളിലിരുപ്പ് അറിയാനാണ് നുണപരിശോധന നടത്തുന്നത്. എത്രയും വേഗം നുണപരിശോധനയ്ക്കുള്ള അപേക്ഷ കോടതിയില്‍ നല്‍കാനാണ് പോലീസിന്റെ ശ്രമം.
കോടതിയില്‍ അപേക്ഷ നല്‍കാനുള്ള നടപടികള്‍ വൈകാതെ തന്നെ സ്വീകരിക്കുമെന്ന് അന്വേഷണസംഘം അറിയിച്ചു. അന്വേഷണവുമായി ഫ്രാങ്കോ മുളയ്ക്കല്‍ നിസഹകരണം തുടരുന്ന സാഹചര്യത്തിലാണ് പൊലീസ് നടപടി. അതേ സമയം, നുണപരിശോധനയെ ഫ്രാങ്കോ മുളയ്ക്കല്‍ എതിര്‍ക്കുമെന്ന റിപ്പോര്‍ട്ടുകളും പുറത്ത് വരുന്നുണ്ട്.
കേസില്‍ പൊലീസിന്റെ ചോദ്യങ്ങള്‍ക്ക് പരസ്പരവിരുദ്ധമായാണ് ബിഷപ്പ് പ്രതികരിക്കുന്നത്. ഇത് പൊലീസിനെ കുഴക്കുന്നുണ്ട്. ഈയൊരു സാഹചര്യത്തിലാണ് നുണപരിശോധനയുമായി മുന്നോട്ട് പോകാന്‍ തന്നെയാണ് അധികൃതരുടെ തീരുമാനം