ഫോട്ടോ ഷൂട്ടില് താരമായി സംവൃതയുടെ മകന് അഗസ്ത്യ
താരങ്ങളുടെ മക്കള് എപ്പോഴും ചര്ച്ചാവിഷയമാണ്. ഇത്തവണ ക്യാമറയ്ക്ക് മുന്നിലെത്തിയത് സംവൃതയുടെ മകന് അഗസ്ത്യയാണ്. വനിതയുടെ കവര് ഷൂട്ടിനെത്തിയ അഗസ്ത്യയുടെ കുസൃതിത്തരങ്ങള് നിറഞ്ഞ വീഡിയോയാണ് ഇപ്പോള് വൈറലായത്. ആളുകള് നിറഞ്ഞ വേദിയിലേക്ക് മടിച്ചു മടിച്ചെത്തുന്ന അഗസ്ത്യയും പിന്നീട് അവിടെ കാട്ടി കൂട്ടുന്ന വികൃതിത്തരങ്ങളുടേയും വീഡിയോ ആണ് യൂട്യൂബില് തരംഗമായിരിക്കുന്നത്. ഫോട്ടോകള് എടുക്കാന് വളരെ കഷ്ടപ്പെട്ടാണ് സംവൃത ഓടി നടക്കുന്ന അഗസ്ത്യയെ പിടിച്ചിരുത്തുന്നത്.
പ്ലേ സ്കൂള് വിദ്യാര്ത്ഥിയാണ് അഖില്. വീടിനടുത്തു തന്നെയാണ് സ്കൂള്. മഴ ആണെങ്കിലും റെയിന്കോട്ടിട്ട് കുടയും പിടിച്ചു ഞങ്ങള് നടക്കും. അവനതു വലിയ ഇഷ്ടമാണ്. പിന്നെ, വീട്ടിലെത്തി ഭക്ഷണം കഴിച്ച് ആശാന് ഉറങ്ങും. ഇംഗ്ലീഷിലാണ് അഗസ്ത്യയുടെ സംസാരം ഒക്കെ. ഞാനും അഖിലും വീട്ടില് മലയാളം തന്നെയാണ് പറയുന്നത്. അതുകൊണ്ട് അവനു മലയാളം കേട്ടാല് മനസിലാകും. തിരികെ ഇംഗ്ലിഷിലാണ് മറുപടിയെന്നു മാത്രം.
മൂന്നു വയസ്സായപ്പോഴാണ് വാചകം പറഞ്ഞു തുടങ്ങിയതു തന്നെ. ഏതെങ്കിലും ഒരു ഭാഷ സംസാരിക്കട്ടെയെന്നു ഞങ്ങളും തീരുമാനിച്ചു. 'ബാലാ' 'വേണം' 'മതി' ഇങ്ങനെ ചില വാക്കുകളാണ് അവന്റെ മലയാളം. 'ബാലാ'ന്നു വച്ചാല് പാല് ആണ് കക്ഷി ഉദ്ദേശിക്കുന്നത്.'
https://www.facebook.com/Malayalivartha