വേദപാഠം പഠിപ്പിക്കാനും കുര്ബാന നല്കാനും കഴിയില്ല; സിസ്റ്റര് ലൂസിക്കെതിരെ നടപടിയില്ലെന്ന് ഇടവക
കന്യാസ്ത്രീകളുടെ സമരത്തില് പങ്കെടുത്തതിന് സിസ്റ്റര് ലൂസിക്കെതിരെ നടപടിയെടുത്തെന്ന പരാതി തെറ്റാണെന്ന് കാരയ്ക്കമല ഇടവക. സന്യാസിനി എന്ന നിലയില് സിസ്റ്റര്ക്ക് വിലക്കേര്പ്പെടുത്തിയിട്ടില്ലെന്ന് ഇടവക വികാരി വാര്ത്താക്കുറിപ്പില് അറിയിച്ചു. സിസ്റ്റര് ലൂസി സമരത്തില് പങ്കെടുത്തതില് വിശ്വാസികള്ക്ക് അതൃപ്തിയുണ്ട്.
സിസ്റ്റര്ക്കെതിരെ നടപടി എടുക്കണമെന്ന് വിശ്വാസികള് ആവശ്യപ്പെട്ടിട്ടുണ്ട്. ഇക്കാര്യം മദര് സുപ്പീരിയര് വഴി സിസ്റ്റര് ലൂസിയെ അറിയിക്കുക മാത്രമാണ് ചെയ്തത്. ഇതിനെയാണ് നടപടിയെടുത്തെന്ന തരത്തില് വ്യാഖ്യാനിക്കുന്നതെന്നും ഇടവക വിശദീകരിച്ചു.
സിസ്റ്റര് ഇനി വേദപാഠം, വിശുദ്ധ കുര്ബാന നല്കല്, ഇടവക പ്രവര്ത്തനം എന്നിവയില് പങ്കെടുക്കുന്നതില് നിന്ന് വിലക്കിയെന്നായിരുന്നു വാര്ത്ത. ഈ വാര്ത്ത അടിസ്ഥാനരഹിതമാണെന്നാണ് കാരയ്ക്കാമല ഇടവകയുടെ വിശദീകരണം.
എന്നാല് നടപടി പരോക്ഷമായി ശരിവയ്ക്കുന്നതാണ് കാരയ്ക്കാമല ഇടവകയുടെ വിശദീകരണം. വേദപാഠം പഠിപ്പിക്കാനും വിശുദ്ധ കുര്ബാന നല്കാനും സിസ്റ്റര്ക്ക് കഴിയില്ല. ഇത് വിശ്വാസികളുടെ ആവശ്യപ്രകാരമാണെന്നാണ് സഭയുടെ പുതിയ ന്യായവാദം. സിസ്റ്റര് ലൂസി തങ്ങളുടെ മക്കളെ വേദപാഠം പഠിപ്പിക്കേണ്ടന്നും ,ഇവരുടെ പക്കല് നിന്നും വിശുദ്ധ കുര്ബാന സ്വീകരിക്കാന് താത്പര്യമില്ലെന്നും ഇടവകയിലെ വിശ്വാസികള് ട്രസ്റ്റിമാരുടെ നേതൃത്വത്തില് വികാരിയച്ചനേ നേരില് കണ്ട് ആവശ്യപ്പെട്ടു ഇതിന്റെ അടിസ്ഥാനത്തില് ഈ വിവരം കോണ്വെന്റിലെ മദറിനേ വികാരിയച്ചന് അറിയിച്ചുവെന്നും ഇടവകയുടെ വാര്ത്താക്കുറിച്ച് വിശദീകരിക്കുന്നു.
സിസ്റ്ററിന്റെ സേവനം ഇനി ഇടവകയിലെ മേല് ശുശ്രൂഷകളില് അവശ്യമില്ല എന്ന ഇടവകക്കാരുടെ വികാരം മദര് സിസ്റ്ററേയും അറിയിച്ചു. ഇതാണ് സംഭവിച്ചത് എന്നാണ് വാര്ത്താ കുറിപ്പില് പറയുന്നത്. പ്രത്യക്ഷമായി വിലക്കേര്പ്പെടുത്തിയിട്ടില്ലെന്ന് ഇടവക വിശദീകരിക്കുമ്പോഴും വിശ്വാസികളുടെ പേരില് പരോക്ഷ വിലക്ക് നേരിടുകയാണ് സിസ്റ്റര് ലൂസി.
https://www.facebook.com/Malayalivartha
