ശബരിമല ഉത്തരവ് കടകംപള്ളിക്ക് വാട്ടര്ലൂവാകുന്നു: കേസില് ഉണ്ടായ സുപ്രീംകോടതി ഉത്തരവ് ഏറെ ബാധിക്കുന്നത് ഇടതുപക്ഷ സര്ക്കാരിനെയും മന്ത്രി കടകം പള്ളി സുരേന്ദ്രനെയും ബാധിക്കുമെന്ന് റിപ്പോര്ട്ട്
ശബരിമലയിലെ സ്ത്രീപ്രവേശനം സംബന്ധിച്ച കേസില് ഉണ്ടായ സുപ്രീംകോടതി ഉത്തരവ് ഏറെ ബാധിക്കുന്നത് ഇടതുപക്ഷ സര്ക്കാരിനെയും ദേവസ്വം മന്ത്രി കടകം പള്ളി സുരേന്ദ്രനെയും. ശബരിമലയില് സ്ത്രീകള് പ്രവേശിക്കണമെന്ന ഉത്തരവിന് ഒരു പരിധിവരെ കാരണമായത് കേരള സര്ക്കാരിന്റെ ശക്തമായ നിലപാടാണ്. ഹിന്ദുക്കളുടെ ആചാരങ്ങളില് മാത്രം കടന്നു കയറുന്ന സര്ക്കാര് എന്തുകൊണ്ട് മറ്റ് വിഭാഗക്കാരുടെ ആചാരങ്ങളില് ഇടപെടുന്നില്ല എന്നുമാണ് പൊതുവേയുള്ള വിവാകരം. അവര് ട്രോളുകളായി അത് പ്രചരിപ്പിക്കുകയും ചെയ്യുന്നുണ്ട്. മുസ്ലീം പള്ളികളില് സ്ത്രീകളെ കയറ്റുമോ? കന്യാസ്ത്രീകളുടെ വിവാഹം അംഗീകരിക്കുമോ? ഇങ്ങനെ പോകുന്നു ചോദ്യങ്ങള്.
ഹിന്ദുക്കള് ആണ് ഇടതുപക്ഷത്തിന്റെ വോട്ടു ബാങ്ക്. അതാണ് ബി ജെ പിയും സി പി എമ്മും തമ്മിലുള്ള തര്ക്കത്തിന്റെ അടിസ്ഥാനം. കോണ്ഗ്രസിന് ഇത്തരം തര്ക്കങ്ങളൊന്നുമില്ല. കാരണം അവരുടെ വോട്ടുകളില് ഭൂരിഭാഗവും ബിജെപിയാണ് കൊണ്ടുപോകുന്നത്. ശബരിമലയിലെ സ്ത്രീ പ്രവേശന വിവാദം ഉണ്ടായപ്പോള് സി പി എം പ്രസ്തുത വിവാദത്തില് നിന്നും ഒഴിഞ്ഞു നിന്നതാണ്. എന്നാല് സര്ക്കാര് അക്കാര്യത്തില് ഉറച്ച നിലപാട് തന്നെ സ്വീകരിച്ചു. മന്ത്രി കടകംപള്ളി സുരേന്ദ്രനാണ് തുടക്കം മുതല് ശക്തമായ നിലപാട് സ്വീകരിച്ചത്. കഴക്കൂട്ടം മണ്ഡലത്തിലെ എം.എല്. എ ആണ് കടകംപള്ളി. ബി ജെ പി നേതാവ് വി.മുരളീധരനാണ് കടകം പള്ളിക്കെതിരെ മത്സരിച്ചത്. അതായത് ഹിന്ദുക്കള്ക്ക് മൃഗീയ ഭൂരിപക്ഷമുള്ള മണ്ഡലമാണ് കഴക്കൂട്ടം.
ഇത്തരമൊരു വിധി വരുമെന്ന് കേരള സര്ക്കാര് പോലും പ്രതീക്ഷിച്ചില്ല. ക്ഷേത്രങ്ങളുടെ ആചാരങ്ങളില് കോടതി ഇടപെട്ടില്ലെന്ന് സര്ക്കാര് കരുതികാണണം. അതുകൊണ്ട് കൂടിയാണ് കടകംപള്ളി ശബരിമലക്കെതിരെ തീര്ത്ത് പറഞ്ഞത്. എന്നാല് കടകംപള്ളിയുടെ കടവില് വള്ളമടുത്തു
ബിജെപിയാണ് സാഹചര്യം മുതലാക്കാന് പോകുന്നത്. അവര് സി പി എമ്മിനെതിരെ പ്രചരണം ശക്തമാക്കും. അങ്ങനെ ചെയ്താലും ഇല്ലെങ്കിലും ഇടതു സര്കാരിനെതിരെ ഹൈന്ദവ വിശ്വാസികളുടെ മനസില് കനല് വീണ് കഴിഞ്ഞു. അത് എങ്ങനെ തണുപ്പിക്കുമെന്ന് പാര്ട്ടി അറിയില്ല. ചെങ്ങന്നൂരില് െ്രെകസ്തവ വോട്ടുകളുടെ ഏകീകരണമുണ്ടായപ്പോള് ഹൈന്ദവ വോട്ടുകള് വേണ്ടെന്ന് ഇടതുമുന്നണി കരുതികാണണം. അതേതായാലും നടക്കാത്ത സ്വപ്നമാണ്. ഒരിക്കല് ചക്കവീണെന്ന് കരുതി എപ്പോഴും വീഴില്ല.
വിധിയെ കേരള സര്ക്കാര് സ്വാഗതം ചെയ്തിട്ടുണ്ട്. ഇത് വരാനുള്ള അപകടങ്ങള്ക്ക് തുടക്കമാവുമെന്ന കാര്യത്തില് സംശയമില്ല. കോടിയേരിയും വിധിയെ പിന്തുണച്ചു.
https://www.facebook.com/Malayalivartha
