പീഡനാരോപണങ്ങളില് സ്വമേധയാ കേസെടുക്കുന്ന വനിതാ കമ്മിഷനും പോലീസും ശശി വിശുദ്ധനാണെന്ന നിലപാട്; പി.കെ ശശിക്കെതിരായ പീഡനാരോപണത്തില് മാധ്യമവാര്ത്തകളുടെ അടിസ്ഥാനത്തില് കേസെടുക്കാനാകില്ലന്ന് പോലീസ്
കന്യാസ്ത്രിക്കെതിരായ പീഡനക്കേസില് ഫ്രാങ്കോ മുളക്കലിനെ അറസ്റ്റ് ചെയ്തപ്പോള് പികെ ശശിക്കെതിരെ നടപടി എടുക്കത്തത് എന്താണെന്ന ചോദ്യമാണ് ഉയര്ന്നു കേട്ടത്. ഇവിടെ നടപ്പിലാക്കുന്നത് ഇരട്ട നീതിയാണന്ന വിമര്ശനവും ഉയര്ന്നിരുന്നു. എന്നാല് പി.കെ ശശിക്കെതിരായ പീഡനാരോപണത്തില് മാധ്യമവാര്ത്തകളുടെ അടിസ്ഥാനത്തില് കേസെടുക്കാനാകില്ലെന്നാണ് പോലീസ് പറയുന്നത്. പീഡനാരോപണങ്ങളില് സ്വമേധയാ കേസെടുക്കുന്ന വനിതാ കമ്മിഷനും പോലീസും ശശി വിശുദ്ധനാണെന്ന നിലപാടിലാണ്. റേഞ്ച് ഐ.ജി. ഡി.ജി.പിക്ക് നല്കിയ റിപ്പോര്ട്ടിലാണ് പോലീസ് ശശിക്കെതിരെ കേസെടുക്കാനാവില്ലെന്ന് അറിയിച്ചത്
പി.കെ ശശി എം.എല്.എയ്ക്കെതിരായ പീഡന പരാതിയില് കേസെടുക്കാന് കഴിയില്ലെന്ന് തൃശൂര് റേഞ്ച് ഐ.ജി. ഡി.ജി.പിക്ക് നല്കിയ റിപ്പോര്ട്ടിലാണ് പോലീസ് നിലപാട് വ്യക്തമാക്കിയത്. ഡി.ജി.പിക്ക് ചില സംഘടകളും വ്യക്തികളും നല്കിയ പരാതികള് തൃശൂര് റേഞ്ച് ഐ.ജിയ്ക്ക് കൈമാറിയിരുന്നു.
മാധ്യമവാര്ത്തകളുടെ അടിസ്ഥാനത്തിലാണ് ഈ പരാതികള് എന്ന് ഐ.ജിയുടെ റിപ്പോര്ട്ടില് പറയുന്നു. പീഡനത്തിന് ഇരയായ ആള് ആരാണെന്നോ എന്താണ് പരാതിയെന്നോ വ്യക്തമല്ല. ഇത്തരം കേസുകളില് മൂന്നാമതൊരാള് നല്കിയ പരാതിയുടെ അടിസ്ഥാനത്തില് നടപടിയെടുക്കാനാവില്ല. പരാതിക്കാരിയോ ബന്ധുക്കളോ മൊഴി നല്കിയിട്ടില്ല. പെണ്കുട്ടിയെ നേരില് കണ്ട് ചോദിച്ചിട്ടും മൊഴിനല്കാനോ പരാതിനല്കാനോ തയ്യാറായിട്ടില്ല. പെണ്കുട്ടിക്ക് പരാതിയില്ലെങ്കില് കേസെടുക്കാനാവില്ലെന്നുമാണ് റിപ്പോര്ട്ട് നല്കിയിരിക്കുന്നത്. ഇതുസംബന്ധിച്ച് നിയമോപദേശം ഉണ്ടെന്നും പറയുന്നു.
അതേസമയം, പെണ്കുട്ടി സി.പി.എം തലത്തില് നല്കിയ പരാതിയില് അന്വേഷണം നടക്കുകയാണ്. മന്ത്രി എ.കെ ബാലന്, പി.കെ ശ്രീമതി എം.പി എന്നിവരടങ്ങിയ കമ്മീഷനാണ് അന്വേഷിക്കുന്നത്. പാര്ട്ടി തലത്തില് ഒഴികെ മറ്റൊരിടത്തും പരാതി നല്കാന് പെണ്കുട്ടി തയ്യാറായിട്ടുമില്ല.
https://www.facebook.com/Malayalivartha
