മൂന്നു മാസത്തിന് മുമ്പ് പറമ്പിന് തൊട്ടടുത്ത് ഒരു മൃതദേഹം കത്തികരിഞ്ഞ നിലയില്‍ കണ്ടെത്തിയിരുന്നു. ഈ സംഭവത്തിലും അന്വേഷണം തുടരവെയാണ് തൃ​ശ്ശൂരില്‍ വീണ്ടും ഒരു മാസം പഴക്കമുള്ള​ അ​ജ്ഞാ​ത മൃ​ത​ദേ​ഹം ക​ണ്ടെ​ത്തിയത്. കുന്നംകുളത്ത് ചൂണ്ടല്‍ പാലത്തിന് സമീപത്തെ പ​റമ്പിലെ മോ​ട്ടോ​ര്‍ പു​ര​യി​ലാ​ണ് മൃതദേഹം കണ്ടെത്തിയത്. അന്യസംസ്ഥാനക്കാരന്‍റെ മൃതദേഹമാണെന്നും പുരുഷന്‍റേതാണെന്നുമാണ് പ്രാഥമിക റിപ്പോര്‍ട്ടുകള്‍.

പോ​സ്റ്റ്മോ​ര്‍​ട്ട​ത്തി​ന് ശേ​ഷ​മേ ഇ​ക്കാ​ര്യ​ത്തി​ല്‍ സ്ഥി​രീ​ക​രണമുണ്ടാകൂ. മോട്ടോര്‍ പുരയില്‍ നിന്നും ഒരു കാവി വസ്ത്രം കിട്ടിയിട്ടുണ്ട്. ഒറ്റപ്പെട്ട സ്ഥലമായതിനാല്‍ ആരെങ്കിലും മദ്യപിക്കാനായി എത്തിയകാമെന്നും പൊലീസ് പറയുന്നു. പ്രളയത്തിന് മുമ്പ് മരണം നടന്നുകാണുമെന്നും അതിനാലാകാം നാട്ടുകാര്‍ അറിയാന്‍ വൈകിയതെന്നും പൊലീസ് പറയുന്നു.