കൊള്ളപലിശക്കാരന് മഹാരാജ മഹാദേവിനെ 10 ദിവസത്തേക്ക് പോലീസ് കസ്റ്റഡിയില് വിട്ടു, തനിക്ക് പറയാനുള്ളത് കേള്ക്കണമെന്ന് പ്രോസിക്യൂട്ടര് ആവശ്യപ്പെട്ടെങ്കിലും കോടതി കേള്ക്കാന് തയ്യാറായില്ല, കസ്റ്റഡി അപേക്ഷ പരിഗണിക്കുമ്പോള് വിശദമായ വാദം കേള്ക്കാന് ആവില്ലെന്ന് മജിസ്ട്രേറ്റ്, കോടതിയില് അരങ്ങേറിയത് നാടകീയ രംഗങ്ങള്
കൊള്ളപലിശക്കാരന് മഹാരാജ മഹാദേവിനെ പോലീസ് കസ്റ്റഡിയില് വിട്ടു. ഒരു ദിവസത്തെ ജാമ്യത്തിനുശേഷം പത്ത് ദിവസത്തേക്കാണ് തോപ്പുംപടി മജിസ്ട്രേറ്റ് കോടതി മഹാരാജിനെ കസ്റ്റഡിയില് വിട്ടത്. മഹാരാജിനെ കസ്റ്റഡയില് വിട്ടശേഷം ചില കാര്യങ്ങള് പറയാനുണ്ടെന്ന് പ്രോസിക്യൂട്ടര് ആവശ്യപ്പെട്ടെങ്കിലും കോടതി കേള്ക്കാന് തയാറായില്ല. കസ്റ്റഡി അപേക്ഷ പരിഗണിക്കുന്പോള് വിശദമായ വാദം കേള്ക്കാന് ആവില്ലെന്ന് മജിസ്ട്രേറ്റ് വ്യക്തമാക്കി. ഇതോടെ നാടകീയ രംഗങ്ങളാണ് കോടതിയില് അരങ്ങേറിയത്.
കോടതിക്കുള്ളില് പരസ്യമായി പ്രോസിക്യൂട്ടര് പ്രതിഷേധിച്ചു. ഇതോടെ മജിസ്ട്രേറ്റ് കോടതി നടപടികള് നിര്ത്തിവച്ചു ഇറങ്ങിപ്പോയി. മഹാരാജ് ഹൈക്കോടതിയില് നല്കിയ മുന്കൂര് ജാമ്യാപേക്ഷയുടെ അടിസ്ഥാനത്തിലാണ് ഞായറാഴ്ച അദ്ദേഹത്തിന് ജാമ്യം അനുവദിച്ചത്. കഴിഞ്ഞ ദിവസം ഉച്ചയോടെയാണുചെന്നൈയിലെ വിതുരംപാക്കത്തുനിന്നു പള്ളുരുത്തി സിഐ കെ.ജി. അനീഷിന്റെ നേതൃത്വത്തിലുള്ള പോലീസ് സംഘം മഹാരാജയെ പിടികൂടിയത്. ഇന്നലെ പുലര്ച്ചെ കോഴിക്കോട്ട് എത്തിച്ച ഇയാളെ രാവിലെയോടെയാണ് റോഡ് മാര്ഗം കൊച്ചിയിലെത്തിച്ചത്.
കഴിഞ്ഞ ജൂലൈയില് കേരള പോലീസ് മഹാരാജയെ തമിഴ്നാട്ടില്നിന്നു അറസ്റ്റ് ചെയ്തിരുന്നെങ്കിലും കേരളത്തിലേക്കു മടങ്ങുന്നവഴി കോയന്പത്തൂരില്വച്ച് മഹാരാജയുടെ അനുയായികളെത്തി പോലീസ് വാഹനം തടഞ്ഞ് ഇയാളെ രക്ഷപ്പെടുത്തുകയായിരുന്നു.
പള്ളുരുത്തി സ്വദേശി ഫിലിപ്പിന്റെ പരാതിയിലാണ് മഹാരാജയെ പോലീസ് അറസ്റ്റ് ചെയ്തത്. തന്റെ ആഡംബര കാര് പണയം വച്ച് ഫിലിപ്പ് 45 ലക്ഷം രൂപ കടം വാങ്ങിയിരുന്നു. ഈതുക തിരികെ നല്കിയിട്ടും കാര് വിട്ടുകൊടുക്കാന് തയാറായില്ല. വന് പലിശയും ആവശ്യപ്പെട്ടു. ഇതേത്തുടര്ന്നാണ് പള്ളുരുത്തി പോലീസില് കേസ് നല്കിയത്
"
https://www.facebook.com/Malayalivartha
