ബാംഗ്ലൂരില്‍ നിന്ന് കൊച്ചിയിലേക്ക് 853 രൂപയുടെയും 953 രൂപയുടെയും ടിക്കറ്റുകളുമായി എയര്‍ ഏഷ്യ രംഗത്ത്. കൊച്ചിയിലേക്ക് അടിസ്ഥാന നിരക്കായ 250 രൂപയ്ക്കു പുറമെ ഇന്ധനചാര്‍ജ്, വിമാനത്താവള ഫീസ്, സേവന നികുതി എന്നിവ കൂടി ഉള്‍പ്പെടെയാണ് 853 രൂപ. ഇന്‍ഷുറസ് അടക്കം 1,000 രൂപയോളമാകും.. അടുത്ത വര്‍ഷം ജൂണ്‍ 10 മുതല്‍ 2016 ജനുവരി വരെയുള്ള തിരഞ്ഞെടുത്ത സര്‍വീസുകളിലേക്കാണു ബുക്കിങ്. ഈ മാസം 16 വരെ ബുക്ക് ചെയ്യാം.
ബെംഗളൂരുവില്‍ നിന്നു കൊച്ചിയിലേക്കുള്ള ആഡംബര ബസുകളില്‍ നിരക്ക് ഇതിലും കൂടുതലാണ്.ബെംഗളൂരുവില്‍നിന്നു ചെന്നൈ, ഗോവ, ജയ്പുര്‍, ചണ്ഡിഗഡ് എന്നിവിടങ്ങളിലേക്കും കുറഞ്ഞ നിരക്ക് പ്രഖ്യാപിച്ചിട്ടുണ്ട്. അതേസമയം എട്ടു മാസത്തിനു ശേഷമുള്ള യാത്ര ഇപ്പോഴേ തീരുമാനിക്കുന്നതിലെ അസൗകര്യമാണു യാത്രക്കാര്‍ നേരിടുന്ന പ്രധാന ബുദ്ധിമുട്ട്. യാത്ര റദ്ദാക്കിയാല്‍ പണം തിരികെ കിട്ടില്ല. അതേസമയം, തിരുവോണം, റമസാന്‍, ദീപാവലി തുടങ്ങി അടുത്ത വര്‍ഷത്തെ ആഘോഷ ദിവസങ്ങള്‍ കണക്കാക്കി ഇപ്പോഴേ ബുക്ക് ചെയ്യുന്നവരുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha