സദാചാര പൊലീസിനെതിരായ പ്രചരണത്തിന്റെ ഭാഗമായി ചുംബന സമരം സംസ്ഥാന മൊട്ടാകെ വ്യാപിപ്പിക്കാന്‍ നീക്കം. പേരുമാറ്റി കിസ് ഇന്‍ ദി സ്ട്രീറ്റ് എന്നാക്കി കോഴിക്കോട്ടും പരിപാടി നടത്താനാണ് കിസ് ഓഫ് ലവ് പ്രവര്‍ത്തകരുട പദ്ധതി. ഇവിടെ അടുത്തമാസം സമരം നടത്താനാണ് നീക്കം. കോഴിക്കോടിന്റെ പൊതുവികാരം തങ്ങള്‍ക്ക് അനുകൂലമാകുമെന്നാണ് കിസ് ഓഫ് ലവ് പ്രവര്‍ത്തകര്‍ കണക്കുകൂട്ടുന്നത്. അതുകൊണ്ടാണ് കോഴിക്കോട് സരമവേദിയായി തിരഞ്ഞെടുത്തത്.
പേരുപോലെ തെരുവിലാകും ചുംബനം നടക്കുക. ഒരിടത്തല്ല. പല കേന്ദ്രങ്ങളിലായാണ് സമരം. സാംസ്‌കാരിക സമ്മേളനങ്ങളും സെമിനാറുകളുമൊക്കെ ഒപ്പം സംഘടിപ്പിക്കും. ഡിസംബര്‍ ഏഴിന് സമരം നടത്താനാണ് സംഘാടകരുടെ ശ്രമം. ഈ ആഴ്ചതന്നെ ഫേസ്ബുക്കിലൂടെ അടുത്ത ചുംബന സമരത്തിന്റെ പ്രഖ്യാപനം വരും. അനുമതിയില്ലാതെ സംഘം ചേര്‍ന്നതിനാണ് കൊച്ചിയിലെ സമരത്തിനൊടുവില്‍ കിസ് ഓഫ് ലവ് പ്രവര്‍ത്തകര്‍ക്കെതിരെ കേസെടുത്തത്. അടുത്ത സമരം തെരുവില്‍ പലയിടത്തായി നടത്താന്‍ സംഘാടകര്‍ പദ്ധതിയിടുന്നതും സംഘം ചേരല്‍ ഒഴിവാക്കുക എന്ന ഉദ്ദേശത്തോടെ തന്നെ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha