പ്രതിഷേധം ഫലം കണ്ടു... സന്നിധാനത്തെ പൊലീസ് നിയന്ത്രണങ്ങളില് ഇളവ്; വലിയ നടപ്പന്തലില് വിരിവയ്ക്കാനും, വിശ്രമിക്കാനുമുള്ള നിയന്ത്രണങ്ങളിലാണ് ഇളവ്; വലിയ നടപ്പന്തലില് ഉറങ്ങാന് അനുവദിക്കില്ല
സ്ത്രീകള്ക്കും കുട്ടികള്ക്കും വയോധികര്ക്കും ഭിന്നശേഷിയുള്ളവര്ക്കുമാണ് ഇളവ് അനുവദിച്ചിട്ടുള്ളത്. എന്നാല് രാത്രി മുഴുവന് വിരിവച്ച് കഴിയാന് അനുവദിക്കില്ല. വിരിവയ്ക്കാന് സജ്ജീകരിച്ചിട്ടുള്ള സ്ഥലങ്ങളില് അതിനുള്ള സൗകര്യം ഒരുക്കുമെന്നും പൊലീസ് അറിയിച്ചു. ശബരിമലയില് ഭക്തര്ക്ക് ഏര്പ്പെടുത്തിയ നിയന്ത്രണങ്ങള്ക്കെതിരെ ഹൈക്കോടതിയുടെ രൂക്ഷ വിമര്ശനം ഉണ്ടായതിനെത്തുടര്ന്നാണ് നടപടി
സന്നിധാനത്തെത്തുന്ന ഭക്തര്ക്ക് വിശ്രമിക്കാനുള്ള ഇടം പോലും നല്കാത്ത പൊലീസ് നിയന്ത്രണങ്ങള്ക്കെതിരെ ശക്തമായ പ്രതിഷേധങ്ങള് ഉയര്ന്നിരുന്നു. കഴിഞ്ഞ ദിവസം സന്നിധാനത്ത് നാമജപം നടത്തിയ അയ്യപ്പ ഭക്തരെ പൊലീസ് അറസ്റ്റ് ചെയ്തിരുന്നു. ഇവരെ 14 ദിവസത്തേക്ക് റിമാന്ഡ് ചെയ്തു. ഇതിന് പുറമെ ശബരിമല ദര്ശനത്തിനെത്തിയ ഹിന്ദു ഐക്യവേദി സംസ്ഥാന അദ്ധ്യക്ഷ കെപി ശശികല , ജനറല് സെക്രട്ടറി ഭാര്ഗവറാം, ബിജെപി സംസ്ഥാന ജനറല് സെക്രട്ടറി കെ സുരേന്ദ്രന് തുടങ്ങിയവരെയും പോലീസ് അറസ്റ്റ് ചെയ്തിരുന്നു.
എന്നാല് കഴിഞ്ഞ ദിവസം ഹൈക്കോടതി ശബരിമലയില് സര്ക്കാര് സ്വീകരിച്ച നടപടികള് അതിരു കടന്നതാണെന്ന് വിമര്ശിച്ചിരുന്നു.മാത്രമല്ല അയ്യപ്പന്മാരെ അറസ്റ്റ് ചെയ്ത നടപടിക്കെതിരെയും,പൊലീസ് നിയന്ത്രണങ്ങള്ക്കെതിരെയും ബിജെപി എം പി മാരായ വി മുരളീധരന്, നളിന് കുമാര് കട്ടീല് എന്നിവര് ഇന്ന് സന്നിധാനത്തെ പൊലീസ് സ്റ്റേഷനു മുന്നില് പ്രതിഷേധ സമരം നടത്തിയിരുന്നു. ഇന്നലെ യു ഡി എഫ് നിരോധനാജ്ഞ ലെങ്കിച്ചു നിലക്കലിലില് നിന്ന് പമ്പയിലേക്ക് കൂട്ടമായി എത്തി പ്രതിഷേധിച്ചിരുന്നു.
"
https://www.facebook.com/Malayalivartha
