മണ്ഡലപൂജക്ക് നാലു ദിവസംമാത്രം ശേഷിക്കെ തീര്ഥാടകര് നിറഞ്ഞ് സന്നിധാനം... നെയ്യഭിഷേകം അടക്കം വഴിപാടുകള് നടത്താന് തിരക്ക്
മണ്ഡലപൂജക്ക് നാലു ദിവസംമാത്രം ശേഷിക്കെ തീര്ഥാടകര് നിറഞ്ഞ് സന്നിധാനം. മണ്ഡലപൂജക്ക് നവംബര് 16ന് നടതുറന്ന് ഡിസംബര് 20വരെ 19 ലക്ഷത്തോളം പേരാണ് ദര്ശനം നടത്തിയത്. 21ന് 97,384 പേര് ദര്ശനം നടത്തിയപ്പോള് ശനിയാഴ്ച വൈകീട്ട് ഏഴുവരെ 82,017 ഭക്തര് ദര്ശനത്തിനെത്തി. ശനിയാഴ്ച പുലര്ച്ച മൂന്നിന് നിര്മാല്യത്തിന് നടതുറന്നതു മുതല് തിരക്കായിരുന്നു. നെയ്യഭിഷേകം അടക്കം വഴിപാടുകള് നടത്താനും തിരക്കനുഭവപ്പെട്ടു.
ലക്ഷത്തിനടുത്ത് തീര്ഥാടകര് പ്രതിദിനം എത്തുമ്പോഴും നിലക്കല്, പമ്പ എന്നിവിടങ്ങളില്നിന്ന് തീര്ഥാടകരെ കടത്തിവിടാന് പൊലീസ് ഏര്പ്പെടുത്തിയ നിയന്ത്രണം മൂലം വലിയ നടപ്പന്തലില് അടക്കം മണിക്കൂറുകള് ക്യൂവില് കാത്തുനിന്ന് ദര്ശനം നടത്തേണ്ട അവസ്ഥയില്ല. ക്രിസ്മസ് പ്രമാണിച്ച് വിദ്യാഭ്യാസ സ്ഥാപനങ്ങള്ക്ക് അവധികൂടി ആയതോടെ മലയാളികള് അടക്കമുള്ള തീര്ഥാടകരുടെ എണ്ണത്തില് വന് വര്ധനയാണ് വരുംദിവസങ്ങളില് പ്രതീക്ഷിക്കുന്നത്. അതേസമയം, മനിതി സംഘടനയുടെ നേതൃത്വത്തില് തമിഴ്നാട്ടില്നിന്നുള്ള യുവതി സംഘം ശനിയാഴ്ച ശബരിമല ദര്ശനത്തിനെത്തുമെന്ന് അറിയിച്ച പശ്ചാത്തലത്തില് ശബരിമലയില് പൊലീസ് സുരക്ഷ ശക്തമാക്കി. ശനിയാഴ്ച വൈകീട്ട് മുതല് പമ്പയിലും സുരക്ഷ കൂട്ടി. കഴിഞ്ഞ ദിവസം ദര്ശനത്തിനെത്തിയ ട്രാന്സ്ജെന്ഡേഴ്സ് സംഘത്തിന് ഒരുക്കിയ മാതൃകയിലാകും പൊലീസ് ഇവര്ക്കും സുരക്ഷ ഒരുക്കുക. സന്നിധാനത്തിന്റെ ചുമതലയുള്ള ഐ.ജി ദിനേന്ദ്ര കശ്യപ് ഞായറാഴ്ച രാവിലെ സന്നിധാനത്ത് എത്തും. ഡി.ഐ.ജി കെ. സേതുരാമന്, രണ്ട് പൊലീസ് സ്പെഷല് ഓഫിസര്മാര് എന്നിവരുടെ നേതൃത്വത്തിലാകും സുരക്ഷ. 1500 പൊലീസ് ഉദ്യോഗസ്ഥരാണ് സന്നിധാനത്ത് ഡ്യൂട്ടിയിലുള്ളത്.
എരുമേലിയിലും തീര്ഥാടക തിരക്കേറി. ഈ സീസണിലെ ഏറ്റവും വലിയ തിരക്കാണ് ഇപ്പോള്. രണ്ടുദിവസമായി എരുമേലി വഴി മലചവിട്ടാനെത്തുന്നവര് വര്ധിക്കുകയാണ്. എന്നാല്, പേരുത്തോട്കാളകെട്ടി വഴിയുള്ള പരമ്പരാഗത കാനനപാതയില് കാര്യമായ തിരക്കില്ല. പെരിയാര്സത്രം വഴിയും തിരക്കില്ലെന്ന് പൊലീസ് അറിയിച്ചു. അതിനിടെ എരുമേലിയില് തീര്ഥാടകര്ക്ക് അടിസ്ഥാന സൗകര്യം വര്ധിപ്പിച്ചിട്ടില്ലെന്ന പരാതിയും വ്യാപകമാണ്. എരുമേലിയില് ജലക്ഷാമവുമുണ്ട്. പുഴകളും തോടുകളും മാലിന്യം നിറഞ്ഞു. ക്ഷേത്ര കുളിക്കടവിലും വെള്ളമില്ല. തോട്ടില് മാലിന്യം നിറഞ്ഞതോടെ ഒഴുക്കും നിലച്ചു.
അതിനിടെ, എരുമേലിയിലും വന് ഭക്തജന തിരക്ക് അനുഭവപ്പെട്ടു. ഈ സീസണിലെ ഏറ്റവും വലിയ തിരക്കാണ് ഇപ്പോള്. രണ്ടുദിവസമായി എരുമേലി വഴി മലചവിട്ടാനെത്തുന്നവര് വര്ധിക്കുകയാണ്. എന്നാല്, പരമ്പരാഗത കാനനപാതയില് തിരക്കില്ല. പെരിയാര്സത്രം വഴിയും തിരക്കില്ല. ഏറെ പേരും വാഹനങ്ങളിലാണ് സന്നിധാനത്തേക്ക് പോകുന്നത്.
https://www.facebook.com/Malayalivartha
