പോലീസ് ഉദ്യോഗസ്ഥര് നടത്തിയ അനുനയ നീക്കം പാളി... ദര്ശനം നടത്താതെ മടങ്ങില്ലെന്നും സുരക്ഷ ഒരുക്കേണ്ടത് പോലീസെന്നും സംഘാംഗമായ സെല്വി, ...
അയ്യപ്പ ദര്ശനത്തിനായി പമ്പയിലെത്തി മനിതി സംഘാംഗങ്ങളെ തടയുകയും പ്രതിഷേധം കനക്കുകയും ചെയ്തതിനു പിന്നാലെ പോലീസ് ഉദ്യോഗസ്ഥര് നടത്തിയ അനുനയ നീക്കം പാളി.
ദര്ശനം നടത്താതെ മടങ്ങില്ലെന്ന് സംഘാംഗമായ സെല്വി പറഞ്ഞു. സുരക്ഷ ഒരുക്കേണ്ടത് പോലീസ് ആണെന്നും അവര് എപ്പോള് സുരക്ഷ നല്കുന്നുവോ അപ്പോള് മലചവിട്ടുമെന്നും സെല്വി അറിയിച്ചു.
ശബരിമല ദര്ശനത്തിനെത്തിയ മനിതി സംഘത്തെ പമ്പയില് തടഞ്ഞു. പ്രതിഷേധക്കാരാണ് ഇവരെ പമ്പയില് തടഞ്ഞത്. തുടര്ന്ന് ശബരിമലയിലെത്തിയ മനിതി സംഘം പ്രതിനിധികളോട് പൊലീസ് ചര്ച്ച നടത്തി. ഇപ്പോള് മടങ്ങി പോകണമെന്ന് മനിതി സംഘത്തോട് പൊലീസ് അറിയിച്ചുവെന്നാണ് വിവരം. എന്നാല്, ചര്ച്ചക്ക് ശേഷവും ശബരിമല സന്നിധാനത്തേക്ക് പോകാനുള്ള നിലപാടില് ഇവര് ഉറച്ച് നില്ക്കുകയായിരുന്നു. പൊലീസ് ഇവര്ക്ക് സുരക്ഷ നല്കുമോയെന്ന കാര്യം വ്യക്തമല്ല. ആക്ടിവിസ്റ്റുകളല്ല വിശ്വാസികളാണ് തങ്ങളെന്നും ദര്ശനം നടത്തുന്നതില് നിന്ന് പിന്മാറില്ലെന്ന് മനിതി നേതാവ് സെല്വി പറഞ്ഞു. 11 പേരടങ്ങിയ സംഘമാണ് പമ്പയില് എത്തിയിരിക്കുന്നത്. ഇതില് അഞ്ച് പേര് 10നും 50നും ഇടക്ക് പ്രായമുള്ളവരാണെന്നാണ് വിവരം.
L
https://www.facebook.com/Malayalivartha
