തങ്കയങ്കി ഘോഷയാത്ര പുറപ്പെട്ടതിനു പിന്നാലെ അതിനെ തകര്ക്കാനെത്തിയിരിക്കുന്ന മനിതി സംഘടനയിലെ യുവതികളെ തടയാനായി ശബരിമലയില് അതിശക്തമായ പ്രതിഷേധ നിര
തങ്കയങ്കി ഘോഷയാത്ര പുറപ്പെട്ടു. ഇന്ന് അതിനെ തകര്ക്കാനെത്തിയിരിക്കുന്ന മനിതി സംഘടനയിലെ യുവതികളെ തടയാനായി അതിശക്തമായ പ്രതിഷേധ നിരയാണ് ശബരിമലയില്.
ഇതിനിടയില് പന്തളം കൊട്ടാരത്തിലെ ശശികുമാരവര്മ്മ വെളിപ്പെടുത്തിയിരിക്കുന്നത് മനിതി സംഘടനയില് നക്സലുകളും കടന്നു കൂടിയിട്ടുണ്ടെന്നാണ്. മനിതി സംഘടനയുടെ ആക്ടിവിസത്തിനുള്ള വേദിയാക്കാന് ശബരിമലയെ അനുവദിക്കില്ല എന്ന ഉറച്ച നിലപാടിലാണ് വിശ്വാസികള്.
പ്രതിഷേധക്കാര്ക്കൊപ്പം വിവിധ സംസ്ഥാനങ്ങളില് നിന്നെത്തിയ ഭക്തര് കൂടി ഒത്തു ചേരുകയാണ്. തികഞ്ഞ വാശിയിലാണ് മനിതി സംഘാംഗങ്ങള്. പമ്പ സിഐ മനിതി സംഘത്തിലെ സെല്വിയോട് അനുനയ സംഭാഷണം നടത്തിയെങ്കിലും സെല്വി വഴങ്ങിയില്ല. നിരവധി അനുനയ ശ്രമങ്ങള് നടത്തിയെങ്കിലും വിജയിച്ചില്ല. വനിതാ പോലീസുകാരുള്പ്പെടെ മനിതി സംഘാംഗങ്ങളോട് അഭ്യര്ത്ഥിച്ചെങ്കിലും അവര് ചെവിക്കൊണ്ടില്ല. പോലീസിന്റെ എല്ലാ ശ്രമങ്ങളും പരാജയപ്പെട്ടു. പോലീസിനെ അക്ഷരാര്ത്ഥത്തില് വെട്ടിലാക്കിയിരിക്കുകയാണ് യുവതികളുടെ നീക്കം
മനിതി സംഘത്തിലുള്ളവര് 11 തമിഴ് യുവതികളാണ്. സ്വകാര്യ വാഹനത്തില് മധുര വഴി, കട്ടപ്പന,മുണ്ടക്കയം വഴിയാണ് പമ്പയിലെത്തിയത്. പോലീസ് അകമ്പടിയിലാണ് ഇവര് പമ്പയിലെത്തിയത്. നിലയ്ക്കലില് നിന്നും സ്വകാര്യ വാഹനത്തില് ഇവരെ പോകാനനുവദിച്ചത് വിവാദത്തിനു കാരണമായി.
സംഘത്തിലെ മുതിര്ന്ന അംഗമായ കലയുടെ നേതൃത്വത്തില് സ്വയം കെട്ടുമുറുക്കി മുന്നേറാന് ശ്രമിച്ചപ്പോഴാണ് പ്രതിഷേധക്കാര് റോഡില് കുത്തിയിരുന്ന് പ്രതിഷേധം ആരംഭിച്ചു.
തങ്ക അങ്കി ഘോയാത്ര നടക്കുന്ന ഇന്ന് ഇത്തരമൊരു നീക്കം ആസൂത്രിതമാണെന്നാണ് പൊതുവെയുള്ള വിലയിരുത്തല്. കേരളത്തിലെ സമാധാനാന്തരീക്ഷം തകര്ക്കാന് നക്സലുമുള്പ്പെടെയുള്ളവരുടെ ശ്രമമാണിതെന്ന് കരുതപ്പെടുന്നു
മണ്ഡല മകര വിളക്കു കാലത്തെ ശാന്തിയാത്രയും തകര്ക്കുന്നതാണ് ഇന്നുണ്ടായിരിക്കുന്ന ഈ സംഭവവികാസങ്ങള്. ഇത് വിശ്വാസികളെ ഏറെ വേദനിപ്പിക്കുന്നു.
https://www.facebook.com/Malayalivartha
