ശബരിമല ശ്രീ ധര്‍മ്മ ശാസ്താവ് മണ്ഡല പൂജയ്ക്ക് ചാര്‍ത്താന്‍ തിരുവിതാംകൂര്‍ രാജാവായിരുന്ന ശ്രീ ചിത്തിര തിരുനാള്‍ ബാലരാമവര്‍മ്മ തിരുമനസ്സ് നടയ്ക്ക് സമര്‍പ്പിച്ച 425 പവന്‍ തൂക്കം വരുന്ന തങ്ക അങ്കിയും വഹിച്ചു കൊണ്ടുള്ള തങ്ക അങ്കി രഥ ഘോഷയാത്ര തിരുവാറന്മുള ക്ഷേത്ര സന്നിധിയില്‍ നിന്നും പുറപ്പെട്ടു
കലിയുഗ വരദായകനായ ശ്രീ ധര്‍മ്മ ശാസ്താവിന് ചാര്‍ത്താനുള്ള തങ്കഅങ്കി ഘോഷയാത്രയെ തകര്‍ക്കുകയാണ് മനിതി സംഘത്തിന്റെ ലക്ഷ്യമെന്നു വ്യക്തം. വിശ്വാസികളെ സംബന്ധിച്ച് ഏറെ പ്രാധാന്യമുള്ള ആചാരമാണ് തങ്കഅങ്കി ഘോഷയാത്ര
ശരണം വിളിച്ച് പ്രതിഷേധിക്കുന്ന വിശ്വാസികളെ സമരക്കാരെന്നു വിളിച്ച് ആക്ഷേപിക്കുന്ന മാധ്യമങ്ങള്‍ക്കെതിരെയും വിശ്വാസികളുടെ രോഷമിരമ്പുകയാണ്.
മനിതി സംഘാംഗങ്ങള്‍ അതിശക്തമായ തയ്യാറെടുപ്പില്‍ ശബരിമലയിലെത്തിയത് എല്ലാവരെയും അത്ഭുതപ്പെടുത്തുന്നു. ഇവര്‍ക്ക് നക്‌സല്‍ ബന്ധമുണ്ടെന്ന്് നിരവധി തെളിവുകളുമായി പന്തളം കൊട്ടാരത്തിലെ ശശികുമാരവര്‍മ്മ ഉള്‍പ്പെടെയുള്ളവര്‍ രംഗത്തെത്തി. ഏറെ ഭക്തി സാന്ദ്രമായി ആഘോഷിക്കുന്ന തങ്ക അങ്കി ഘോഷയാത്രാവേളയിലുണ്ടായ ഇത്തരം നീക്കങ്ങള്‍ ഏറെ ആശങ്കാജനകമാണ്. എന്തു വന്നാലും തങ്കഅങ്കി ഘോഷയാത്രയ്ക്കു തടസ്സമുണ്ടാകാനനുവദിക്കില്ല എന്നാണ് ഭക്തരുടെ നിലപാട്.