ശബരിമല ദര്‍ശനത്തിനെത്തിയ ആക്ടിവിസ്റ്റ് രഹ്നാഫാത്തിമയ്‌ക്കെതിരെ ജാമ്യമില്ലാ കേസ് എടുത്ത് അകത്തിട്ട പൊലീസ് ആക്ടിവിസ്റ്റുകളും മാവോയിസ്റ്റ് ബന്ധമുണ്ടെന്ന് സംശയിക്കുന്നവരുമായ മനീതി സംഘത്തെ വെറുതെ വിട്ടയച്ചതില്‍ ഭക്തരുടെ പ്രതിഷേധം. ആക്ടിവിസ്റ്റുകള്‍ക്ക് ശബരിമലയില്‍ എന്ത് കാര്യമെന്ന് ദേവസ്വം മന്ത്രി കടകംപള്ളി സുരേന്ദ്രനും ചോദിച്ചിരുന്നു. എന്നാല്‍ ഭക്തരാണെങ്കില്‍ ആക്ടിവിസ്റ്റുകള്‍ക്കും എത്താമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ അറിയിച്ചിരുന്നു. രഹ്നാഫാത്തിമ മതവികാരം വ്രണപ്പെടുത്തിയതിനാണ് കേസ് എടുത്തത്.

തമിഴ്‌നാട്ടില്‍ നിന്നെത്തിയ മനിതി സംഘത്തിന് മാവോയിസ്റ്റുകളുമായി ബന്ധമുണ്ടെന്ന് പന്തളം കൊട്ടാരം നിര്‍വാഹക സമിതി അംഗം ശശികുമാര വര്‍മ ഉള്‍പ്പെടെ ആരോപിക്കുന്നു. അങ്ങനെയെങ്കില്‍ രാജ്യസുരക്ഷയെ ബാധിക്കുന്ന പ്രശ്‌നമായതിനാല്‍ മനിതി സംഘടനയിലുള്ളവര്‍ക്കെതിരെ കേസ് എടുക്കേണ്ടതാണ്. തമിഴ്‌നാടുമായി വതാതിര്‍ത്തി പങ്കിടുന്ന ശബരിമല ഉള്‍പ്പെടെയുള്ള പ്രദേശങ്ങളില്‍ മാവോയിസ്റ്റ് സാനിധ്യമുണ്ടെന്ന് കേന്ദ്രആഭ്യന്തരമന്ത്രാലയം സംസ്ഥാന സര്‍ക്കാരിന് മുന്നറിയിപ്പ് നല്‍കിയിരുന്നു. രാജ്യത്തെ വിവിധസംസ്ഥാനങ്ങളില്‍ നിന്നുള്ള വനിതകളാണ് മനിതിക്കൊപ്പം ഉണ്ടായിരുന്നത്. ഇവരുടെ പശ്ചാത്തലം എന്താണെന്ന് പൊലീസ് അന്വേഷിച്ചോ എന്ന് വ്യക്തമല്ല. 

അതേസമയം മാവോയിസ്റ്റ് ബന്ധമുള്ള മനിതി സംഘം ശബരിമലയില്‍ സംഘര്‍ഷം ഉണ്ടാക്കാന്‍ എത്തിയതാണെന്നും ഇവര്‍ക്കെതിരെ തങ്ങള്‍ കേസ് കൊടുത്തെന്നും ശബരിമല കര്‍മസമിതി പറയുന്നു. പത്തനംതിട്ട എസ്.പി ഓഫീസില്‍ ജാമ്യമില്ലാവകുപ്പ് പ്രകാരം കേസ് എടുത്തെന്ന് കര്‍മസമിതി നേതാവ് പത്മകുമാര്‍ റാന്നി ഫെയിസ്ബുക്കിലൂടെ അറിയിച്ചു. എന്നാല്‍ ആചാരലംഘനത്തിന് കേസ് എടുത്തെന്നാണ് പൊലീസ് നല്‍കിയ രസീതില്‍ വ്യക്തമാക്കുന്നത്. തമിഴ്‌നാട് സ്വദേശിയ സെല്‍വിക്ക് തീവ്രഇടത് സംഘടനകളുമായി ബന്ധമുണ്ടെന്ന് അവര്‍ ദര്‍ശനത്തിന് എത്തുമെന്ന് അറിയിച്ചത് മുതലുണ്ടായിരുന്നു.